Limang araw na mamamalagi sa Pilipinas si Miss Universe 2023 Sheynnis Palacios ng Nicaragua.
Nakatakda siyang dumating ngayong Miyerkules, Mayo 1, 2024.
May kinalaman ang Asia tour ni Sheynnis sa pagbisita niya sa Pilipinas.
Ang Thailand, Laos, Cambodia, at China ang mga bansang nauna nang pinuntahan ni Sheynnis.
Pero hindi pa rin siya nakauuwi sa Nicaragua mula nang manalo siyang Miss Universe noong Nobyembre 18, 2023 sa El Salvador dahil sa mga usaping may kinalaman sa pulitika.
Read: Sheynnis Palacios di pa nakakabalik ng Nicaragua matapos manalong Miss Universe 2023
Mabibigyan ng pagkakataon ang Philippine media na makaharap at makausap si Sheynnis dahil isang media conference ang idaraos para sa kanya.
Pagkatapos ng pagdalaw niya sa Pilipinas, lilipad ang reigning Miss Universe sa India sa Mayo 7, 2024.
Hindi pa tiyak kung babalik sa Pilipinas si Sheynnis para sa coronation night ng Miss Universe Philippines 2024 na mangyayari sa Mayo 22, 2024 sa Mall of Asia Arena, Pasay City.
Ang predecessor ni Sheynnis na si Miss Universe 2022 R’Bonney Gabriel ang ang host ng Miss Universe Philippines 2024 na lalahukan ng 53 kandidata.
Isasalin ni Miss Universe Philippines 2023 Michelle Dee ang kanyang korona sa mapalad na magwawagi at magiging kinatawan ng ating bansa sa 73rd Miss Universe na idaraos sa Mexico bago matapos ang taon.
Related Stories:
- Pagkapanalo ni Miss Universe 2023 Sheynnis Palacios, nagbulgar sa political issues sa Nicaragua
- Anne Jakrajutatip’s reaction to Miss Universe 2023 announcement goes viral
- Sheynnis Palacios on Miss Universe 2023 win: “It's history for my country.”
- Miss Universe 2023 Sheynnis Palacios at Miss Universe 2018 Catriona Gray, parehong produkto ng Miss World
- Mga kababayan ni Miss Universe 2023 Sheynnis Palacios sa Nicaragua, nabiktima ng fake news
- Maris Racal jokes about twinning with Miss Universe 2023 Sheynnis Palacios
- FULL TRANSCRIPT: Winning answer of Miss Universe 2023 Sheynnis Palacios