Uumpisahan ni Xian Lim sa Abril 2024 ang shooting sa Thailand ng Kuman Thong, ang bagong proyekto niya bilang manunulat at direktor ng pelikula.
Ang Kuman Thong ang rason ng pagpunta sa Bangkok ni Xian at ng production team niya noong unang linggo ng Marso 2024 dahil naghanap sila ng mga lugar na gagamitin para sa mga eksena ng kanilang gagawing pelikula.
Read: Xian Lim at Iris Lee, magkasama sa Bangkok para sa location hunting ng bagong pelikula ng aktor
Isang horror movie ang Kuman Thong na tungkol sa mga burnt fetus na naghahatid ng suwerte at proteksiyon kapag inalagaang mabuti.
Pamilyar kay Xian ang kuwentong ito base sa kanyang personal na karanasan.
Saad niya, “I am shooting a film in Thailand. It’s about a Thai mythology. It’s called Kuman Thong.
“Sa kuwento nating mga Pilipino, parang version ng tiyanak ng mga Thai ang Kuman Thong, but not necessarily a baby monster or aswang.
“It’s more of, back in the old days, yung women na nanganak tapos walang buhay yung baby, the monks would pray for the dead fetus and the spirits of the dead child around would inhabit that fetus.
“They would burn it, put gold leaf, which is Kuman Thong golden boy. Yun ang ibig sabihin niya.
"And we do offerings.
“In return, it would give you safety and good luck. But kung hindi mo siya aalagaan as you should sa isang maliit na bata, it can inflict harm. It can do all sorts of things like that.”
Dagdag pa ni Xian, “This is my first shot in a full horror film and especially, I think, the pressure is there because I wanna give justice to the Thai mythology, the authenticity, gusto ko talagang makuha.”
Para sa mga Pilipino na kulang ang kaalaman tungkol sa Kuman Thong, kontrobersiyal na isyu ito dahil sangkot ang mga fetus na pinagkakakitaan ng pera ng mga negosyante.
Noong May 18, 2012, inaresto sa isang hotel sa Bangkok ang British-Taiwanese na si Chow Hok Kuen dahil nakuha sa kanyang pag-iingat ang anim na male fetuses na inihaw niya, binalutan ng ginto at balak na ibenta sa halagang US$6,300 bawat isa.