Humihingi ng paumanhin ang young Filipina singer-songwriter na si MRLD (real name: Meriel de Jesus) dahil hindi na nito masisipot ang ILYSM, ang Valentine concert na magaganap sa Smart Araneta Coliseum sa Martes, Pebrero 13, 2024.
Kasama sina Arthur Nery, Rob Deniel, Janine Teñoso, Adie, Rhodessa, at ang Alamat, kabilang sana si MRLD sa mga magtatanghal sa idaraos na Valentine show.
Read: Singer Arthur Nery kabado sa unang concert niya sa Araneta Coliseum
Pero dahil sa isang hindi inaasahang pangyayari, nagdesisyon siyang kanselahin ang partisipasyon, isang araw bago mangyari ang ILYSM.
Sa pamamagitan ng pahayag sa kanyang official Facebook page, humingi ng pang-unawa si MRLD mula sa mga tagasuporta niya.
Mensahe ng newbie singer: “It is with deep regret that I must announce the cancellation of my appearance at the upcoming ILYSM: A Valentine Harana concert scheduled on February 13, 2024 at the Smart Araneta Coliseum.
“Due to a sudden and unanticipated circumstance, I am unable to fulfill my commitment to perform on said date.
“I understand the disappointment and frustration this news may bring, especially to my fans who have been eagerly anticipating the event.
“Please know that this decision was made after careful consideration, and I am profoundly sorry for any inconvenience it may have cause. In addition, I would like to sincerely thank Viva and OC Records for their understanding and unwavering support.
“I promise to make it up to you all in future events or performances as soon as circumstances allow.”
View this post on Instagram
Ikinagulat ng mga tumatangkilik kay MRLD at sa kanyang musika ang desisyon nitong hindi paglabas sa ILYSM.
Sa media conference na ginanap noong Enero 16, 2024, inilahad ng 18-year-old singer ang pananabik at kabang nararamdaman sa kauna-unahang pagkakataong pagtatanghal niya sa Big Dome.
Sabi noon ni MRLD, “ Kinakabahan din po.
“Yes, big achievement din as an artist and I think everyone agrees to that naman kasi I started writing songs sa room ng mom and dad ko.
“And now, tutugtog po ako sa stage ng Araneta Coliseum. I’m very happy, excited and nervous as well.”
Nagkaroon ng puwang sa Philippine music industry si MRLD dahil sa "Ligaya," ang kanyang hit song na umani ng mahigit 80 million streams sa Spotify noong 2022.
Nadagdagan ang popularidad ng Cebu-based singer-songwriter dahil sa edad na 17, inilagay noong May 2022 sa giant electronic billboard sa Times Square, New York City ang kanyang larawan para sa Spotify on Women advertisement.
View this post on Instagram