Nanawagan ang ilang organisasyon mula sa entertainment industry na palayain ang direktor na si Jade Castro na biktima umano ng warrantless arrest .
Kabilang siya sa apat na kalalakihang inakusahang sumunog sa isang modern jeepney na pag-aari ng Gumaca Transport Service Cooperative sa Catanauan, Quezon, noong Enero 31, 2024.
Read: Direk Lore Reyes recalls unpleasant experiences working with some actresses
Kabilang sa nagpahayag ng suporta para kay Castro ang kinabibilangan niyang Directors’ Guild of the Philippines, Inc. (DGPI), pati na ang Concerned Artists of the Philippines, The Philippine Center of International (PEN), Artista ng Rebolusyong Pangkultura, Southern Tagalog Cultural Alliance, Tambisan sa Sining, at Sama-samang Artista para sa Kilusang Agraryo.
"Release Jade Castro Immediately" ang panawagan ng DGPI sa opisyal na pahayag na inilabas ng organisasyon bilang pagpapakita ng suporta sa nakabilanggong direktor.
Ang DGPI president na si Mark Meily ang nakalagda sa official statement:
“On February 1, 2024, filmmaker and film producer Jade Castro was arbitrarily arrested and suspected of arson in Mulanay, Quezon. In a tweet, he attached a news item that reported the arrest of four personalities and included his picture.
“Castro declared his innocence and stated that he was on vacation with friends when personalities of the Philippine National Police (PNP) arrested them for a crime that occurred in Catanauan, Quezon.
“In a later tweet, Castro shared more disturbing information: the arrest was warrantless. Jade Castro is a vetted DGPI member and an important voice of the Philippine Independent Cinema.
“We stand by his innocence and testify to his good character. We urge clarity on the matter from the authorities involved, and the immediate release of Jade Castro from detention.”
Read: ABS-CBN executive Deo Endrinal dies
Inilahad ng jeepney driver at saksi na si Carl Villanueva na apat na armadong kalalakihan at may mga suot na bonnet ang nag-utos umanong bumaba ang mga pasahero mula sa sasakyan at saka ito sinunog.
Dinakip ng mga pulis si Castro at ang kanyang mga kasamang sina Ernesto Orcine, Noel Mariano, at Dominic Ramos noong Pebrero 1, 2024, sa Mi Casa Resort sa Barangay Butanyog, Mulanay, Quezon.
Dinala sila sa Catanauan Police Station.
Noong Pebrero 2, 2024, pormal na sinampahan ng kasong arson si Castro at ang mga kasamahan niya sa local prosecutor’s office.
Read: MIFF: Dingdong, Piolo tie for Best Actor; Vilma wins Best Actress
Itinanggi ni Castro ang mga akusasyon laban sa kanila sa pamamagitan ng mga post niya sa X.
Aniya, "INOSENTE KAMI! Nagbabakasyon lang kaming magkakaibigan sa mulanay Quezon pero inaresto kami sa krimen na nangyari sa catanuan.”
Sa sumunod na X post ni Castro, sinabi nito, “Guys sorry di maka reply bawal celphone. Opo warrantlest arrest arson.”
Anim na araw bago naganap ang krimen, may X post si Castro tungkol sa paghahanap nito ng lugar sa Mulanay na puwedeng puntahan nila ng kanyang mga kasama.
Mensahe niya: "help saan ba pwede mag-star sa mulanay Quezon? wala kami mahanap. malapit ko na tanungin si Jaclyn Jose kung saan siya nagstay doon nung nag-doktor siya nung 1996,” X post ni Castro.
Ang tinutukoy ni Castro ay ang pelikulang Mulanay, na pinagbidahan ni Jaclyn noong 1996.
Kabilang sa mga pelikulang idinirek ni Castro ay ang Endo (2007), My Big Love (2008), Zombadings 1: Patayin Sa Shokot Si Remington (2011), My Kontrabida Girl (2012), My Lady Boss (2013), at LSS (2019).