Magkakaroon ng pagkakataon ang mga Pilipino na mapanood ang The Girl He Never Noticed dahil ipapalabas ito sa GTV tuwing Linggo, 6:15 ng gabi, simula sa Pebrero 4, 2024.
May walong kabanata ang The Girl He Never Noticed, na pinagbibidahan ni Marco Gumabao, at unang ipinalabas noong Setyembre 2022 sa Singapore streaming site na MeWatch.
Read: Marco Gumabao reacts to American singer David DiMuzio’s post about Cristine Reyes
Ang Malaysian actress na si Tess Pang ang kapareha ni Marco sa mini-series na isinulat ng Filipina author na si Neilani Alejandrino.
Ginampanan ni Marco ang karakter ni Eros Petrakis, ang guwapo pero mayabang na anak ng business tycoon, samantalang barista at dalagang ina ang katauhan na binigyang-buhay ni Tess sa romantic mini-series na isang WattPad novel ni Alejandrino bago isinadula ng Mediacorp Pte.Ltd., na state-owned public media conglomerate sa Singapore.
Lumipad si Marco noong June 2022 sa Singapore dahil dito kinunan ang lahat ng mga eksena ng The Girl He Never Noticed.
"Ridiculously good-looking," ang papuri ni Tess kay Marco na nakapanayam ng MediaCorp production noong September 2022.
Read: Marco Gumabao, hinulaan noong mai-in love sa babaeng may anak
Ayon naman sa Singaporean lady director na si Beatrice Chia, bagay na bagay sa Pinoy actor ang role ni Eros.
"Marco is an experienced television and film actor in the Philippines. He really has this beautiful quality onscreen that just makes you want to follow him, looking at how he performs, looking at the character he plays. It was clear that he’s going to play Eros."
Kakaibang karanasan para kay Marco ang maging bahagi ng isang Singaporean mini-series dahil sa magandang pakikitungo ng lahat sa isa’t-isa.
Read: Cristine Reyes shows sweet photos with boyfriend Marco Gumabao
"This is my second time shooting outside the Philippines, but it was my first time working with a non-Filipino production.
"Everyone’s so nice, everyone’s so sweet. Also, the production, the crew, they take care of you a lot,” ang kuwento pa ni Marco.