Sina Marian Rivera at ang magkapatid na Janice at Gelli de Belen ang ilan sa mga kilalang kliyente ng celebrity make-up artist na si Bambbi Fuentes.
Naniniwala si Bambbi na malaki ang tsansa ni Jocelyn Cubales manalo para maging kinatawan ng Quezon City sa Miss Universe Philippines-Quezon City 2024 na gaganapin sa Pebrero 5.
Read: 69-year-old fashion designer Jocelyn Cubales kandidata sa Miss Universe Philippines-QC 2024
Si Bambbi rin ang make-up artist ni Jocelyn, na kilala rin sa pangalan na Joyce Peñas Pilarsky.
Si Jocelyn ay hindi lamang fashion at jewelry designer dahil lumabas na siya bilang aktres sa mga pelikulang The Barker (2017) at Ang Sikreto ng Piso (2019).
“I think she has the chance of winning because of her beauty, height, and achievements,” pahayag ni Bambbi tungkol kay Jocelyn sa eksklusibong pakikipag-usap sa kanya ng Cabinet Files nitong Martes ng gabi, Enero 16.
Kontrobersiyal at pinag-uusapan ang pagsali ni Jocelyn sa Miss Universe Philippines-Quezon City dahil sa edad na 69, siya ang pinakamatanda sa lahat ng mga kandidatang nangangarap nmaging kinatawan ng ating bansa sa 73rd Miss Universe na idaraos sa Mexico bago matapos ang 2024.
Ayon kay Bambbi, “She didn’t tell me that she will join the pageant but if ever she would ask me, I will say, 'Yes, go ahead.'
“Joyce is pretty and she has a nice skin. I met her almost two years ago through her husband, Marc Cubales, who is our client too.”
Ayon pa kay Bambbi, walang sikreto at hindi siya gumagamit ng ibang klase ng makeup para sa senior citizen at aspiring beauty queen dahil sadyang mukhang bata ito kesa tunay na edad niyang 69.
“For Joyce, I use the normal makeup that I also use for my other clients. Maganda talaga siya,” giit niya.
Hindi sigurado si Bambbi kung siya ang make-up artist ni Jocelyn sa coronation night ng Miss Universe Philippines-Quezon City 2024 dahil alam niyang may sariling make-up artists ang Miss Universe Philippines Organization para sa mga opisyal na kandidata.