Binanggit ni Rob Gomez ang matinding pangungulila sa kanyang anak na si Amelia nang makausap siya ng Cabinet Files sa media conference ng Shake, Rattle & Roll Extreme sa Valencia Events Place, Quezon City, noong Nobyembre 14, 2023.
Read: Rob Gomez "working out some kinks" with the mother of his daughter
Mahigit tatlong buwan nang hindi nakikita ni Rob ang anak nila ni Miss Multinational Philippines 2021 Shaila Rebortera mula nang umalis ang beauty queen, kasama si Amelia, sa kanilang tahanan sa Parañaque City, noong August 7, 2023, dahil nagkaroon sila ng mga hindi pagkakaunawaan.
Read: Beauty queen reveals she has daughter with actor Rob Gomez
Sa aming pag-uusap, ipinarating ni Rob ang kagustuhang magsalita na tungkol sa isyung kinasasangkutan nila ng kanyang dating live-in partner.
At sa wakas, nangyari ang paglalabas niya ng saloobin sa Fast Talk with Boy Abunda nitong Biyernes, Nobyembre 17.
Pahayag ni Rob, “Gusto kong makasama ang anak ko. I love my daughter so much. She’s my lucky charm.
"Ever since we had her… I miss her so much and I’m working on it. I’m improving myself so I can be able to see her."
Inamin ni Rob na siya ang nagkamali nang sabihin nitong single siya sa kanyang unang paglabas sa Fast Talk with Boy Abunda noong Agosto 3, 2023.
"Single," sagot noon ni Rob sa tanong ni Boy Abunda.
Kasunod nito ang pag-aming may love life siya.
“Meron po tayo, siyempre kawawa naman po tayo kung wala tayong love life. May mga… I don’t know if I can disclose it but we always have someone.
“Masaya po tayo ngayon. Masaya po tayo, I’m very happy with how everything is going, with my life outside of work,” pahayag ni Rob.
Hindi ito nagustuhan ni Shaila at isa ito sa mga dahilan ng kanilang paghihiwalay.
Sa kanyang muling pag-guest sa Fast Talk With Boy Abunda, inamin ni Rob na siya ang may kasalanan sa kinahinatnan ng kanilang relasyon.
“It’s my fault. I said I was single when I wasn’t.
"We had a prior talk na kasi na I won’t say it para lang mabilis yung usapan. Para wala nang questions asked, I said yes,” pagtutuwid ni Rob tungkol sa kanyang pagkakamali.
Ito naman ang mensahe ni Rob para sa kanyang anak: “Amelia, if ever you would be watching this, I love you so much and I miss you.
"I just wanna be the best dad. I wanna be the father I never had.
“See you soon… her birthday is coming up. Before, I’m with her every day… used to be.
“She’s my stress reliever, she’s my strength.
"I always tell this, I used to love going to work ‘coz I go home… I love going home more.
“Now it doesn’t feel the same, it just feel like work and I go home.”
View this post on Instagram
Gustung-gusto nang makita ni Rob si Amelia, na magdiriwang ng unang kaarawan sa Disyembre 5, 2023, at si Shaila na inilarawan niya bilang "great and wonderful woman."