Ang Bad Boy 3 ang comeback movie ni Robin Padilla.
Ito ang mauuna na ipalabas sa mga sinehan bago niya gawin ang Maging Sino Ka Man, ang sequel ng phenomenal hit movie nila ni Sharon Cuneta na Valentine’s Day offering ng Viva Films noong 1991.
Read: Sharon Cuneta shares moment with Robin Padilla at Viva anniversary party
Isang beauty queen ang kapareha ni Robin sa Bad Boy 3, pero inililihim pa ang katauhan niya.
Si Robin ang direktor ng Bad Boy 3.
Si Zhen Padilla, ang bunsong anak na babae nila ng kanyang ex-wife na si Leizel Sicangco, ang director of photography ng dream project ng actor-politician.
Ang Bad Boy 3 ang third installment ng Bad Boy, ang action-drama movie na pinagbidahan ni Robin, ipinalabas sa mga sinehan noong Oktubre 10, 1990 at pinilahan sa takilya.
Tiniyak naman ni Viva Entertainment founder at chairman Boss Vic del Rosario na pumayag na sina Robin at Sharon na gawin ang sequel ng Maging Sino Ka Man.
“I’d like to announce that Sharon and Robin, the senator, has agreed to do Maging Sino Ka Man Part 2. Hopefully, isu-shoot natin yung pelikula next year,” rebelasyon ni Boss Vic sa 42nd anniversary celebration ng Viva Entertainment sa Metro Tent, Pasig City, noong Nobyembre 10, 2023.
Hindi lamang ang ikalawang yugto ng Maging Sino Ka Man ang pelikulang gagawin ni Sharon sa Viva dahil inanunsiyo rin ni Boss Vic ang proyektong pagsasamahan nila nina Anne Curtis at Pops Fernandez.
Read: Sharon Cuneta may nakalinyang pelikula kasama sina Robin Padilla at Bong Revilla
Sinabi ni Boss Vic na nagkaroon ng Viva Films dahil kay Sharon at hinding-hindi niya ito maaaring kalimutan.
“Hindi pupuwedeng kalimutan yung simula dahil kung wala yon, wala rin kayo [mga empleyado ng Viva].
"Maraming salamat kay Miss Sharon Cuneta, up to now, original Viva Star," sabi ni Boss Vic.
Nagpakumbaba naman si Sharon sa sagot nito tungkol sa mga taong nagsasabi na siya ang "gumawa" sa Viva.
Saad niya, “I made Viva but Viva made me, and I will always be part of the Viva family, no matter what. Always been and will always be.”
Sina Sharon at Robin ang special guests sa ika-42 anibersaryo ng Viva Entertainment.