Tanggap ng direktor na si Darryl Yap na "magagaspang" ang mga proyektong kanyang ginagawa kaya hindi na siya nagtaka nang “ma-trauma” si Sarah Geronimo nang mag-usap sila dahil sa kagustuhan ng singer-actress na gumawa ng mga bago o kakaibang pelikula.
Read: Darryl Yap reveals losing passion for filmmaking after doing Vivamax and Marcos movies
Kuwento ni Darryl, “I had a meeting with Miss Sarah Geronimo. She wanted something new. Ewan ko kung anong trip ng Viva.
"Ang sabi raw ni Miss Sarah, ‘Boss, I want to have something new.'
"'Ah, gusto mo pala ng something new, ha?' So ipina-meet sa akin, na-trauma.
“Nag-meeting kami sa office ni Boss Vic [del Rosario], 'Direk, meron ka bang naiisip para kay Sarah?’
“So, sinabi ko yung mga material ko na naiisip ko para sa kanya.
“Parang na-trauma si Miss Sarah. Parang natulala lang siya sa akin.
"Tapos, nung nagkausap kaming dalawa, sabi ko sa kanya, 'Sabi mo, something new…’
"Sabi niya, 'Pero hindi naman po yata…."
Naiintindihan naman daw ni Darryl ang resulta ng pagtatagpo nila ni Sarah.
Aniya, “In showbiz, we have lots of restrictions not because we don’t want them, but because you are tied into a contract. Meron kang image na pinoprotektahan.
"So, I guess, I’m always ready to work with stars that are also ready.
“Kung meron man akong hindi babaliin o babaguhin, yon yung formula ko when it comes to filmmaking. You always offer something that’s truly new. Something that’s truly untouched.”
Bukod kay Sarah, nakipag-usap din si Darryl sa ibang mga sikat na artistang gustong gumawa ng kakaibang proyekto, pero nagbago ang isip nang sabihin niya ang mga konsepto nito.
“I’ve been meeting with big stars for, like, two months already, and lahat sila, babalikan ako.
“So, parang feeling ko, magma-Manaoag muna sila. Feeling ko, magpapa-survey muna sila kung kaya nila, because my scripts can really break a person so I don’t blame them if they need time.
“And when I’m telling you big stars, big stars talaga. They wanted something new.
“Sabi ko, 'Ito po ang nakikita kong materyal ko para sa inyo.' They said, nagagandahan daw sila. 'Bago. Hindi pa ako naggaganyan.’
“Imagine, Sharon Cuneta saying t*t*,” pagtukoy ng writer-director sa Revirginized, ang 2021 movie na idinirek niya at pinagbidahan ng Megastar.
Read: Linya ni Sharon Cuneta sa Revirginized, swak na swak sa shower scene ni Adam Demos sa Sex/Life
Patuloy na kuwento ni Darryl, “Ang sabi ko sa kanila, 'Meron po akong mga ganitong materyal'
"Ang sabi nila, ‘Honestly I like it, Direk, pero I have to ask my legal team.’
“So it’s not easy to work with me and I understand. I choose to be very difficult to work with because I guess that’s how you extract your real artistry.
"And now that is very easy to make a film, let’s start with having the difficulty to choose your script."