Naganap ngayong Sabado ng umaga, July 8, 2023, sa APT Studios ang contract signing ng Eat Bulaga! hosts na sina Isko Moreno at Paolo Contis.
"Long-term" ang kontrata na pinirmahan nina Isko at Paolo sa TAPE Inc., ang producer ng Eat Bulaga!
Read: 'Eat Bulaga!' relaxed amid battle of noontime shows
Ito ay suwabeng pagkontra sa mga kumakalat na balita na mapapanood na lamang ang naturang noontime show hanggang sa July 29, 2023.
Read: 'Eat Bulaga!', may pasabog sa 44th anniversary; 'G sa Gedli' ni Isko Moreno, patok sa viewers
Kasama sa contract signing si Romeo Jalosjos, Jr. o Jon, na siyang president at CEO ng TAPE Inc., at ang kapatid niyang si Dapitan City Mayor Bullet Jalosjos, na chief finance officer ng kumpanya.
Present si Sparkle Vice-President Joy Marcelo, ang namamahala sa career ni Paolo, at ang TAPE Inc. legal counsel na si Atty. Maggie Abraham-Garduque.
Nagpasalamat sina Isko at Paolo sa tiwala at pagkakataon na ibinigay sa kanila ng TAPE Inc.
Parehong nangako ang dalawa na ipagpapatuloy nila ang paghahatid ng tulong at saya sa mga Pilipino.
"Ang sabi nga namin, ang bagong Eat Bulaga! ay tungkol sa viewers kaya itutuloy-tuloy natin ang tulong at saya," sabi ni Isko pagkatapos ng pagpirma niya ng kontrata.
Patuloy niya, "I am happy and honored to fill in the shoes... And hopefully, mag-enjoy ang ating mga Kapuso, mga kababayan.
"Marami silang choices ngayon sa noontime shows. For now, Paolo and I and the team are very happy on what transpired for the past one week."
Sinabi naman ni Paolo na hindi na ito nagdalawang-isip nang alukin siya na pumirma ng kontrata bilang main host ng Eat Bulaga!
"Very blessed to be part of this team, the Eat Bulaga! team, sa tiwala na ibinigay nila sa amin ni Yorme. Wala nang dala-dalawang isip."
Pareho ang kanilang commitment sa viewers.
Dagdag ni Paolo, "Ngayon ang bago naming slogan, ‘Puno ng saya’. We’re literally on the same boat. We literally have the same vision."
EAT BULAGA!'S DEAL WITH GMA-7 UNTIL 2024
Nauna nang itinanggi ni Garduque ang balitang malapit nang magpaalam sa telebisyon ang Eat Bulaga!
Nilinaw niya na bilang blocktimer, hanggang 2024 pa ang bisa ng kontrata sa pagitan ng TAPE Inc. at ng GMA Network Inc.
Nagpaliwanag din si Garduque tungkol sa rating ng Eat Bulaga! noong July 1.
Noong araw na iyon nagsimulang mapanood sa TV5 ang E.A.T., ang bagong noontime show nina Tito Sotto, Vic Sotto at Joey de Leon; habang sa GTV ay nagsimulang emere ang It’s Showtime na pinangungunahan nina Vice Ganda, Anne Curtis, at Vhong Navarro.
Read: Eat Bulaga! war and how it changes Philippine TV: A Timeline
"We do not contest that on July 1, mababa ang rating of Eat Bulaga! because of the anticipation of people on the launch of new shows but thereafter, makikita na tumataas na ulit ang ratings nito.
"Ang Eat Bulaga! ay para sa tao at hanggang maraming manonood ang tumatangkilik. Patuloy ang Eat Bulaga! sa pagbibigay ng saya at tulong sa mga kababayan natin," dagdag ng abogada.