Walong taon naging co-host ng It’s Showtime si Billy Crawford kaya natuwa siya nang malaman niyang mapapanood na rin sa GTV simula bukas, July 1, 2023, ang noontime variety show ng ABS-CBN na kanyang iniwan noong 2019.
Read: GMA-7, ABS-CBN sign historic deal for 'It's Showtime' airing on GTV
Sa pagbisita ni Billy sa Fast Talk with Boy Abunda ngayong Biyernes ng hapon, June 30, tinanong sa kanya ng host na si Boy Abunda ang pakiramdam niya tungkol sa bagong tahanan ng It’s Showtime sa GTV.
“Sa totoo lang, nakakatuwa,” nakangiting sagot ni Billy.
“Nung nakita ko yung balita, wala pa ako dito sa Pilipinas. Nasa Paris ako at that time. Pagbukas ko, nakita ko nga kung ano yung nangyayari sa industriya.
"And you know what’s my honest opinion and my feeling towards this? I am so happy.
"I am so happy na interested na naman ang mga manonood natin, our viewers, our televiewers, showbiz and entertainment. It’s a statement and it’s historical."
Iinuturing ni Billy na espesyal sa kanyang puso ang It’s Showtime dahil dito sila nagkakilala ng misis niyang si Coleen Garcia.
Read: Coleen Garcia still gushing over her Danse avec les stars performance with Billy Crawford
“Kahit saan man pumunta ang It’s Showtime, I started with Showtime, I met my wife, I started my family through this show and I’m so happy na kahit papaano, they ‘re still not being left behind, there is still a home for them.
“And it’s the same thing that GMA-7 did for me. They welcomed me back. So it’s a new beginning.
"And I’m very excited for Philippine TV kasi meron na tayong audience na manonood. It was very hard before the pandemic and during the pandemic.
“Ngayon, sana maintindihan ng tao na lahat ng ito ay ginagawa natin for your guys, for televiewers.
"So I wish them all the best dito sa GTV and I’m excited kung ano yung mangyayari in the next few years.
“Talagang kudos sa lahat ng bumubuo ng Philippine TV because it’s about time…”
Nagbalik si Billy sa GMA-7 noong August 2022 bilang host ng game show na The Wall Philippines.
Muling mapapanood si Billy sa Kapuso Network simula sa August 2023 dahil kabilang siya sa mga hurado ng talent competition show na The Voice Generations.
Komportableng-komportable si Billy GMA-7 dahil dito nag-umpisa ang kanyang showbiz career noong apat na taon pa lamang ang edad niya bilang miyembro ng youth-oriented program na That’s Entertainment.