“Dear PEP, I will send you my list.”
Ito ang sagot ni Martin Nievera nang tanungin namin tungkol sa kanyang mga kasamahan sa entertainment industry na nasubaybayan niya ang pagsisimula at pagsikat pero hindi nagtagal ang career dahil kinalimutan ang nakaraan, naging mayabang at mapagmalaki.
Base sa sagot ni Martin, marami na siyang karanasan sa mga kapwa mang-aawit na lumaki nang husto ang ulo nang makaranas ng pansamantalang tagumpay.
Nag-ugat ang tanong namin kay Martin sa sagot nito nang hingin ang opinyon niya tungkol sa mga mang-aawit na kanyang natulungan noong nag-uumpisa pa lamang ang singing career at naging magkapantay ang kanilang mga popularidad.
“Hindi lang equal. They surpassed me pa,” ang sagot ni Martin.
“And I’m one performer, singer, who’s proud of that. Hindi ako naiinggit, hindi ako nade-depress dahil lumampas sila sa akin.
"No time at all, I’m like a proud father.
“Now, if that person, whoever he or she may be, doesn’t remember... I’ve always said this, ‘It’s easy to make it, easier to not make it.’
“The number one lesson I’ve learned is you have to know the people you’ve met on your way up ‘coz they’re the same people you will see on your way down.
“So if that person did not remember me then I have no love for that person ‘coz not just me, but people who came along the way, who brought that person to sit in that seat equal to me, if that person doesn’t remember where he or she came from, I feel sorry for that person.
“Walang future yung tao na yon. You can never forget where you came from.”
Read: Martin Nievera says no to network transfer: "ABS-CBN is my last woman."
Bihirang-bihirang magsalita si Martin tungkol sa paksang kontrobersiyal para sa mga seasoned performer.
Pero hindi maitatangging nanggaling ang kanyang mga sagot mula sa mga personal na karanasan sa mga baguhang singer na sumikat pero nalunod sa tagumpay kaya panandalian lamang ang mga showbiz career.
Napag-usapan ang isyu tungkol sa mga naging mapagmalaking entertainers sa digital media conference ng Martin & Morissette, ang concert nina Martin at Morissette na itatanghal sa Graton Resort Casino sa East Bay, California, sa June 2, at sa Fantasy Springs Resort & Casino sa Indio, California, sa June 3.
Ano ang mga dapat asahan ng mga nagbabalak panoorin ang U.S. shows nila ni Morissette?
Tugon ni Martin: “I expect the unexpected because I’m eager to see the people.
“I am looking forward for all of them to expect this and to see where I have been and to see where Morissette is going, that in itself is the best way for you guys to expect the unexpected.”
Read: Morissette Amon, nagsalita na sa wakas sa pagkukumpara sa kanya kay Charice Pempengco