Hindi na matutuloy ang U.S. Tour ni Katrina Velarde na nakatakda sa Abril 21 hanggang Mayo 14, 2023.
May kaugnayan ito sa kanselasyon ng BFF concert nina Pokwang at K Brosas sa Las Vegas, Nevada, noong Abril 2, 2023.
Ang Vynz Muzik LLC ni Vicente Gahon Gesmundo ang producer ng U.S. tour ni Katrina. Si Gesmundo rin ang producer ng nakanselang show nina Pokwang at K dahil hindi nito natupad ang mga pinansiyal na obligasyon sa concert ng dalawa sa Chicago, Illinois noong Abril 1, 2023.
Read: Promoter on producer of Pokwang and K's concert: "Wala siyang binayad ni singkong duling."
Naglabas ng opisyal na pahayag ang Viva Artists Agency, ang namamahala sa showbiz career ni Katrina, tungkol sa kinanselang U.S. tour ng singer.
Nakasaad dito: “With deep regrets. VAA hereby informs the public that Katrina Velarde's US Tour, scheduled to happen from April 21 to May 14, 2023 is cancelled.
“Due to circumstances surrounding the show’s producer Vynz Muzik LLC and its obligations, management has deemed it necessary to cancel the show.
“We extend our heartfelt apologies for any inconvenience the cancellation may have caused.
“Katrina Velarde remains fully committed to delivering excellence in her performances and shows. We truly appreciate your understanding and unwavering support for Katrina.”
Hindi pa naglalabas ng reaksiyon o pahayag si Gesmundo tungkol sa desisyon ng Viva Artists Agency na kanselahin ang U.S. tour ni Katrina, pero nag-post na siya sa kanyang Facebook page ng kopya ng official statement ng management company ng singer.
Noong Abril 3, nagbigay si Gesmundo ng maiksing sagot tungkol sa hindi natuloy na show nina Pokwang at K sa Las Vegas.
“Hi ask them. I didn’t cancel, it’s them,” pahayag ni Gesmundo na U.S.-based at nakababatang kapatid ni Chief Justice Alexander Gesmundo ng Supreme Court of the Philippines.
Read: Concert producer, itinangging siya ang nagkansela ng Las Vegas concert nina K Brosas at Pokwang