Isa sa mga pumukaw sa atensiyon at pinupuri ng beauty pageant fans sa preliminary competition ng 71st Miss Universe ang proudly Filipino-made gown na ginamit ni Miss USA R’Bonney Gabriel.
Ginanap ang preliminary competition ng Miss Universe 2022 sa New Orleans, Lousiana, USA, nitong Miyerkules ng gabi, January 11, 2023 (Huwebes ng umaga, January 12, sa Pilipinas).
May dugong Pilipino si R’Bonney dahil Pilipino ang kanyang ama na si Remigio Gabriel, na isinilang sa Pilipinas pero lumipad at permanente nang naninirahan sa Amerika sa edad na 25.
Ang pagkakaroon ni R’Bonney ng Filipino blood ang isang dahilan kaya ipinagkatiwala niya sa Filipino fashion designer na si Rian Fernandez ang paggawa sa gown na kanyang gagamitin sa 71st Miss Universe.
Si Fernandez din ang designer ng gown ni R’Bonney nang sumali at manalo ito sa Miss Texas USA noong July 2022 at sa 71st Miss USA noong October 3, 2022.
Hindi lamang si R’Bonney ang binihisan ng talented Filipino designer sa preliminary competition ng 71st Miss Universe.
Siya rin ang gumawa ng gown ni Miss Universe Cambodia Manita Hang na hinangaan din ng beauty pageant aficionados.
Dahil iisang tao ang kanilang fashion designer at pareho ang mga hairdo nina R’Bonney at Manita, nagmistulang twinning ang dalawa nang rumampa sila sa stage para sa preliminary gown competition.
Ilang oras matapos ang preliminary competition ng 71st Miss Universe, inilabas ni Fernandez sa official Facebook page nito ang mga pagsasalarawan at inspirasyon niya tungkol sa mga gown na kanyang nilikha para kina R’Bonney at Manita.
"Viva Magenta" ang tawag ni Fernandez sa gown ni R’Bonney.
Description niya: “A Rian Fernandez edgy yet sophisticated halter top peek-a-boo trumpet dress with detachable oversized cape shawl.
“The color depicts universal harmony and character. This year’s 'Viva Magenta' brave and fearless color truly empowers Queen R'Bonney Gabriel’s fashion and style in the 71st Miss Universe competition."
"Untangled Dream" naman ang kanyang bansag sa damit ni Manita.
Paglalarawan niya rito: “The inspiration of the gown Manita Hang is very close to the heart of the Cambodian people.
“This Rian Fernandez fully handcrafted gown is a mixture of tailored suit and fluidity of the beaded sheer flair skirt.
“The colors purple and blue represents royalty and serenity. The bead embroidery pattern depicts the intertwined branches of the historical banyan tree swirling in different direction as it will untangle the long-wait hunger for the crown.”