Masaya, malungkot pero puno ng pag-asa at walang katiyakan ang tatlong uri ng Pasko na naranasan ng tatlong showbiz personalities — sina Jackie Forster, Jessica Rodriguez, at ng aktor na tila may pinagdaraanan ang personal na buhay.
Maligayang-maligaya si Jackie dahil makalipas ang dalawang taon, nakumpleto ang kanyang limang anak sa araw ng Pasko na ipinagdiwang nila sa Japan.
Mula sa Europe, lumipad sa Japan si Jackie, ang asawa nito, at ang kanilang tatlong anak para makapiling nila sa nabanggit na bansa sina Andre at Kobe, na mga anak niya sa dating asawa na si Benjie Paras.
“No Christmas tree this year but we have lights and the best gifts. Happy Holidays to you and your family everybody.God bless," pagsasalarawan ni Jackie sa pinakahihintay niyang reunion nila ng kanyang pamilya sa Japan.
Si Jessica Rodriguez ang dating namamahala sa showbiz career ni Jackie noong aktibo pa ito.
Sa kauna-unahang pagkakataon, makalipas ang dalawampu’t isang taon, ginunita ni Jessica at ng kanyang tatlong anak ang Pasko na hindi kasama ang asawa niyang si David Bunevacz.
Noong nakaraang buwan, nahatulan si David ng labimpito at kalahating taong pagkakakulong sa Amerika dahil sa kaso ng fraud o pandaraya.
Read: David Bunevacz sentenced to more than 17 years in prison for vape business scam
Sa kabila ng mga unos na dumating sa kanilang buhay, nananatiling positibo ang mga pananaw ni Jessica.
Ipinagmamalaki siya ng kanyang mga anak, at nagpapasalamat siya sa mga taong hindi sila tinalikuran sa panahong kailangang-kailangan nila ng moral at emotional support.
Mensahe ni Jessica para sa lahat ng mga nagmamahal sa kanyang pamilya: “I know most of you know the distress and pain we are going through but my children are epitome of a strong and courageous heart and character. I am so proud of you three for handling this situation with grace and faith in God. I love you so so much from the bottom of my heart.
“To all my family and our dearest friends (you know who you are) who stood by us thank you so much know that you are all very much appreciated and I love you all so much as well.
“To the new journey that I am about to embark I am so excited and looking forward to working so hard for it Happy birthday Jesus.”
Samantala, maugong ang balitang may problema sa relasyon ng showbiz couple na pinagtibay ng cryptic post ng aktor at ng disabled comments sa kanyang social media account.
Ramdam na ramdam ng mga malalapit na kaibigan ng aktor na may personal na problema ito pero nahihiya silang magtanong bilang respeto sa kanyang desisyong manahimik na ugat ng haka-haka na malungkot ang Pasko niya.