Muling nagsama-sama sina Kuh Ledesma, Jaya, at Pops Fernandez sa isang virtual thanksgiving.
Pinasalamatan nila ang lahat ng mga nanood ng 3 Divas, ang kanilang matagumpay na concert sa Fantasy Springs Casino sa Coachella, California, noong November 12, 2022.
Taus-puso ang pasasalamat ng tatlo dahil sila ang kauna-unahang Filipino artists na nagtagumpay na magtanghal sa naturang lugar. Tuwang-tuwa ang mga namamahala ng Fantasy Springs Casino na personal na binati sina Kuh, Pops, at Jaya.
Sabi ni Pops sa virtual interview ngayong Biyernes, November 18, “Napakasaya ng audience namin. We’re blessed with such a fantastic audience.
"They received us warmly. We had a great crowd and Fantasy Springs was also such a great host.
"It’s the very first time that they had Filipino artists in their casino so proud naman kami and very honored to be the chosen three to perform there for the first time.
“I heard sunud-sunod na ngayon so that’s very good for the other Filipino artists. That’s great. It’s another venue for us to perform.”
Dahil sa tagumpay ng 3 Divas, malaki ang posibilidad na magkaroon ito ng repeat show sa Fantasy Springs Casino. Pinaplano na rin ang concert tour nila sa key cities sa Amerika.
“We’re planning a tour, aside from the repeat in Fantasy Springs, I think the plan is to tour the three divas so it’s truly a blessing,” dagdag na pahayag ni Pops.
Kasalukuyang nasa U.S. si Pops dahil gusto niyang makasama sa pagdiriwang ng Pasko at Bagong Taon ang kanyang mga anak na sina Robin at Ram.
Isang rebelasyon ang sinabi ni Pops na pumasok sa kanyang isip na magretiro mula sa pagtatanghal pero nagbago ang desisyon niya dahil sa 3 Divas.
Pahayag niya, "God has been so good and meron pa rin kaming ibang pinaplano, individually, yung iba pa naming shows. So, we’re feeling very blessed to be able to perform constantly, lalo na for me.
“Matagal na kasi akong hindi nakakakanta so, lately, parang I am given a chance to do one show after the other, so I really feel that it is such a blessing.
“In my mind kasi, puwede na akong mag-retire. Pero kapag na-experience mo na, when you feel again, when you’re onstage again, of course you feel the energy of the audience, nakakaengganyo siya.
“I think I am just very thankful na I am given more chance to perform again. And not just perform, talagang I get to perform with the best of the best.
"I mean, from the Hitmakers [Hajji Alejandro, Nonoy Zuñiga, Rey Valera, and Marco Sison] and now, with Kuh and Jaya.
“Medyo nawala ako nang matagal, I am very grateful and thankful and I really feel blessed.”
Si Vic "Enteng" Perez ng VP Entertainment ang may idea na pagsamahin sa isang concert sina Kuh, Jaya, at Pops.
Vic Perez and Pops Fernandez
Hindi nagkamali ang kanyang pulso dahil tinangkilik nang husto ang 3 Divas kaya pinag-uusapan na nila ang concert tour sa susunod na taon.
Sabi ni Vic, “We’re preparing for June 2023. We’re actually plotting the cities and so far, because of the good reviews, the raving reviews, a lot of promoters from different cities are already requesting for dates.
“Maraming cities from East Coast to West Coast ang magpo-produce ng 3 Divas. We are also planning to do one in Manila, hopefully in May 2023.”