Anumang araw sa linggong ito, nakatakdang bumalik sa Pilipinas mula sa Taiwan ang basketball player at aktor na si Ricci Rivero dahil tinapos na ng Taoyuan Pilots ang kanyang kontrata.
Si Ricci ang kauna-unahang Asian na manlalaro bilang world import ng P.League +, ang men’s professional basketball league ng Taiwan, na hudyat ng kanyang professional basketball career.
Read: Ricci Rivero is first Asian to play as world import in Taiwan's professional basketball league
Sampung buwan sanang mananatili si Ricci sa Taiwan pero mapapaaga ang pag-uwi niya sa Pilipinas dahil sa kanyang injury o pinsala sa katawan.
Ang Virtual Playground ang namamahala sa basketball at showbiz career ni Ricci.
Ngayong hapon, November 4, 2022, naglabas ng opisyal na pahayag ang Virtual Playground CEO na si Charlie Dy tungkol sa desisyon niyang pabalikin sa Pilipinas ang sikat na atleta.
Nakasaad dito: “It is sad that Ricci Rivero’s professional debut in Taiwan is halted by his existing injury.
“The pain is coming from a jumper’s knee that he played through during the UAAP as he really wanted the championship before leaving UP even though he was advised to rest it for it to be fully healed.
“But since he signed with Taoyuan Pilots right after the season, he continued training regularly until he was asked to fly already to Taiwan last September.
“Unfortunately he again suffered a right ankle sprain during an official pre-season game mid October that causes him not to be at his full potential going to the upcoming P.LEAGUE+ season starting this month.
“We decided to request for a release to give time for recovery which was mutually agreed upon and the team still hopes that once he is 100% recovered he would still choose to consider going back.”
Lumipad si Ricci sa Taiwan noong September 19, 2022 para sa pagsisimula ng paglalaro niya sa P-League+, pero hindi siya naihatid sa airport ng kanyang girlfriend na si Andrea Brillantes dahil nasa ibang bansa ito nang umalis ng Pilipinas ang basketball player-actor.
Read: Ricci Rivero, hindi nahatid ni Andrea Brillantes papuntang Taiwan
Hindi natagalan ang hindi pagkikita ng dalawa dahil sinundan ni Andrea si Ricci sa Taiwan at magkasama silang nagdiwang ng Halloween.
Ibinahagi ng magkasintahan sa kani-kanilang Instagram accounts ang larawan nila habang suot ang kanilang Halloween costumes.