Bumalik sa Itaewon District ng Seoul, South Korea ang Miss Universe Philippines creative director na si Jonas Gaffud.
Nag-alay siya ng bulaklak para sa mga nasawi sa malagim na crowd crush na nangyari sa pagdiriwang ng Halloween sa naturang lugar noong Sabado, October 29, 2022.
Kabilang si Jonas at ang kanyang pitong mga kasama sa nakaranas sa crowd crush, pero nakaligtas sila mula sa nakapanlulumong insidente na kumitil sa buhay ng hindi bababa sa 156 katao.
Noong Linggo ng umaga, October 30, ibinahagi ni Jonas sa Facebook ang kuwentong mahirap malimutan dahil personal nilang nasaksihan at naranasan ang pagsisiksikan ng mahigit 100,000 tao na dumayo sa Itaewon District para makisaya sa Halloween festivities.
Read: Jonas Gaffud recounts first-hand experience of Itaewon Halloween crush
Ngayong Miyerkules, November 2, bumalik si Jonas sa pinangyarihan ng insidente na ipinagluluksa ng buong mundo.
Nagkaroon din sila ng "re-enactment" ng kanyang kaibigan na si Cheska Summer, handler ni Miss Universe 2015 Pia Wurtzbach, nang magkahiwalay ang dalawa dahil sa mga taong naggigitgitan sa makitid na eskinita sa Itaewon District.
Pagbabalik-tanaw ni Jonas, “Went back to where it started. If you look at the photos, we were at the Footlocker area where the end of the stampede was.
“We moved to the other area where Cheska Summer and I were holding hands, and we let go each other because of the force that pushed us to the ambulance.
“This place during the Halloween was full or people, ambulance and firefighters. It felt so eerie just being there again.”
Nagbahagi rin siya ng mga larawang kuha nang bumalik sila ng kanyang mga kasama sa Itaewon District.
SOUTH KOREA POLICE
Ang kapabayaan ng South Korea Police ang sinisisi ng karamihan dahil nabigo umano ang mga itong kontrolin ang napakaraming tao na nagpunta sa Halloween celebration sa Itaewon District noong Sabado.
Lalong nadiin ang South Korea Police dahil sa paglitaw ng transcript ng mga tawag sa 119, ang emergency hotline, na nagpatunay na 6:34 p.m. nang una nilang matanggap ang isang distress call tungkol sa mga nagsisiksikang tao sa Itaewon.
Pero lumipas muna ang apat na oras bago sila gumawa ng aksyon.
Nagkasunud-sunod ang tawag sa 119 Hotline mula 8:09 p.m., 8:33 p.m., 8:53 p.m., 9:00 p.m., 9:02 p.m., 9:07 p.m., 9:10 p.m., 9:51 p.m., hanggang 10:11 p.m.
Pero huli na nang kumilos ang mga pulis dahil marami na ang namatay at nasaktan.
Naiwasan sana ito kung naging mabilis ang kanilang pagresponde sa tawag sa hotline ng mga humingi ng tulong.
Related Stories:
- Halloween party in Itaewon, South Korea turns into a tragedy; at least 149 died
- “Produce 101” Season 2 contestant Lee Ji Han among 154 dead in Itaewon Halloween tragedy
- Mga saksi sa Itaewon Halloween tragedy, sinisisi ang South Korean Police
- Kim Atienza at team ng "Dapat Alam Mo" nasaksihan ang trahedya sa Itaewon