Ang Gabay Guro ang isa sa mga advocacy program na sinusuportahan ni Pops Fernandez.
Ito ang dahilan kaya taun-taon, hindi siya nawawala bilang host o special performer sa grand gathering ng mga guro na itinuturing na pangalawang magulang ng mga kabataan.
Nag-aral noon si Pops sa isang international school at, ayon sa kanya, isang Mrs. Angeles ang paborito niyang teacher noong grade school student siya.
Ikinuwento ni Pops na hanggang ngayon, hinding-hindi niya nakalilimutan ang isang importanteng aral na itinuro sa kanya ni Mrs. Angeles.
“Why I can’t forget her? Because I was scared of her…” natawang sabi ni Pops.
Agad naman niyang paliwanag, “No, because she was very strict, a disciplinarian. And as a child, di ba nakakatakot yun?
"But growing up, I realized I learned so many things from her.
“Isa sa mga bagay na hindi ko makakalimutan is, di ba, kapag bata ka and you’re doing something, lalo na kapag quiz or something like that, the kids would say, ‘But I can’t!’
“Nagagalit si Mrs. Angeles parati. Sinasabi niya, ‘Don’t ever use the word can’t. You always have to tell yourself you can. And once you tell yourself you can, then it’s easier to do. In the end, you can.'
“So, growing up, especially when you’re a child, surrounded by all these children, sometimes you get bullied, I used to say, when I get scared, 'I can.'
“I should never use the word I can’t.
"And 'til this day, every time meron akong mga bagay… something I would have to do, I always tell myself I can. Isa ‘yan sa mga hindi ko makakalimutan,” pagbabahagi ni Pops tungkol sa natutunan niya mula sa kanyang hindi malilimutang grade school teacher.
Ngayong Sabado ng hapon, October 15, simula 1 p.m., makakasama ni Pops sina Jolina Magdangal, Dominic Roque, at Sam Concepcion bilang hosts ng digital grand gathering ng mga guro.
Live itong mapapanood sa official Facebook page at YouTube channel ng Gabay Guro.
Sina Basil Valdez, Kuh Ledesma, Regine Velasquez, Martin Nievera, Mark Bautista, Erik Santos, at Janine Teñoso ang ilan sa mga celebrity performer na magtatanghal para sa mga guro.
Mabibigyan ng pagkakataon ang mga guro na manalo ng malalaking premyo sa idaraos na grand raffle draw.
Ang Metro Pacific Investments Corporation (MPIC) Chief Finance, Risk and Sustainability Officer na si Chaye Cabal-Revilla, na matalik na kaibigan ni Pops, ang chairperson ng Gabay Guro.
Lubos ang pasasalamat ni Chaye sa singer-actress at sa mga artistang pumayag na magtanghal nang walang anumang kapalit dahil sa pagmamahal nila sa mga guro.
“All of us working behind Gabay Guro over the last 15 years—the core team of volunteers, artists and celebrity advocates, our loyal sponsors—everyone remains united for the purpose of giving our teachers the honor that they deserve.
“The difficult times of the pandemic failed to stop us in the pursuit of this purpose.
"The seven pillars of Gabay Guro serve as our guide to encourage and uplift the teachers because we believe that changing the life of one teacher has a positive multiplier effect on her students,” mensahe ni Chaye.
Masaya rin niyang ibinalita na, sa kasalukuyan, nakapagpatayo na ang Gabay Guro ng limampu’t limang (55) double classrooms, nakapagbigay na ng 2,174 scholarship grants, at nakapagpatapos ng 1,767 na mag-aaral na patunay na tagumpay ang kanilang mga adhikain at proyekto.