Kasama ni Billy Crawford na lilipad sa France sa darating na Huwebes, August 25, 2022, ang kanyang asawa na si Coleen Garci at ang kanilang anak na si Amari.
Kasali si Billy bilang contestant sa Danse Avec Les Stars, ang French version ng Dancing with the Stars.
Read: Billy Crawford, mainit ang pagtanggap sa pagbabalik niya sa France
Ang partisipasyon niya sa sikat na French television ang sinagot ni Billy sa mga nagtanong sa kanya sa digital media conference ng The Wall Philippines na naganap ngayong Martes ng hapon, August 23.
Pahayag niya, “I will be starting Dancing with the Stars this September, I think September 1 is rehearsals and September 9 is the launch, tapos tuluy-tuloy na yun.
“If I make it, ang end of the show is November.
"But apart from that, I recently just came back from France to do a Fos-sur-Mer, which is a south of Marseille.
"There is a show, a festival for the year 2000s and different artists like Larusso and French local artists as well were there so maganda naman yung reception ng audience.
"Parang isang malaking throwback ang ginawang concert doon so masaya naman."
Si Larusso ang kumanta ng 1999 hit song na "On ne s'aimera plus jamais."
Ikinuwento ni Billy na nagsimula ang negosasyon ng pagsali niya sa Danse Avec Les Stars bago pa nagkaroon ng coronavirus pandemic kaya mapalad siya dahil kahit natagalan, matutuloy pa rin ang kanyang proyekto sa France.
“We were in the talks bago pa nagkaroon ng pandemic. E, biglang nagkaroon ng COVID, natengga lahat.
“Luckily, siguro they were still interested kaya they called kung puwede akong mag-go see para sa kanila, if I’m capable of doing it.
"Tapos biglang natanggap ako. It’s just new beginnings, new blessings and challenges actually on the way."
Maligayang-maligaya rin si Billy sa pagbabalik niya sa GMA-7 bilang host ng The Wall Philippines, ang game show na joint venture ng Viva Television at ng Kapuso Network. Mapapanood ito simula sa Linggo, August 28, 3:35 ng hapon.
Read: GMA Network welcomes back Billy Crawford after 15 years
Pahayag niya, “I will never get tired of saying na I feel welcomed again. I feel at home. I feel na my home was renovated.
“Yun lang ang pakiramdam ko.
"Kasi nung pumasok ako nang unang araw pa lang, nagpo-promo shoot kami sa GMA-7 building, tumingin ako pero nakasarado na, pero dun kami nagre-rehearse para sa That's Entertainment before.
“That was my home since I was four years old.
"So, saktong-sakto, this collaboration between Viva and GMA has given me, as a host and as an artist, an opportunity again to be freelance and to be able to work with kahit sino dito sa industriya natin.
"And it’s such a blessing, especially sa panahon ngayon."