Pribado na ang Twitter account ni Den Macaranas, ang desk editor ng government-owned television network na PTV4 na diumano’y nag-tweet nitong Linggo nang hapon, July 24, 2022, 4:15 pm, tungkol sa pamamaril na nangyari sa loob ng Ateneo de Manila University.
“Nagbarilan na ata mga Pinklawan at Dilawan” ang diumano’y iresponsableng tweet ni Macaranas na pinaiimbestigahan ni Press Secretary Atty. Trixie Cruz-Angeles sa PTV management.
“This afternoon, a certain Den Macaranas allegedly tweeted, 'Nagbarilan na yata ang mga Pinklawan at Dilawan @ateneo' referencing today’s shooting incident in the university.
“Pursuant to this, we called the attention of officials at PTV where he is allegedly a desk editor, to investigate the matter. We assure the public that if true, we will take the appropriate action.”
Tumatanggap ngayon si Macaranas ng mga batikos mula sa netizens na dismayado sa tweet na iniuugnay sa kanya dahil walang kinalaman sa pulitika ang pamamaril sa Ateneo de Manila University.
Binawian ng buhay sa nasabing insidente ang security guard na si Jeneven Bandiala, former Lamitan City Mayor Rose Furigay, at ang executive assistant nito na si Victor Capistrano.
Sugatan naman ang anak ni Furigay, ang graduating law student na si Hannah.
Si Dr. Chao-Tiao Yumul ng Lamitan City na may personal na galit sa pumanaw na dating mayor ng kanilang siyudad ang suspect sa pamamaril at kasalukuyang nakakulong sa Camp Karingal sa Quezon City.
Ipinaabot ni President Ferdinand Marcos Jr. sa pamamagitan ng isang opisyal na pahayag ang kanyang panalangin at pakikiramay para sa lahat ng mga naapektuhan ng karumal-dumal na krimen.
“We are shocked and saddened by the events at the Ateneo graduation today. We mourn with the bereaved, the wounded, and those whose scars from this experience will run deep.
“We commit our law enforcement agencies to thoroughly and swiftly investigate these killings and bring all involved to justice.
“Our prayers go to the graduates, their families, the Ateneo community, and to the residents of Quezon City and Basilan.”