“JSP We love you” ang mensaheng isinulat ni Senator Grace Poe sa sariwang semento sa nitso na pinaglagakan sa mga labi ng kanyang ina, ang Queen of Philippine Movies na si Susan Roces.
JSP (Jesusa Sonora Poe) ang initials ng pangalan ng film icon na pumanaw noong May 20, 2022 ng 8:46 p.m.
Read: Senator Grace Poe recalls most memorable real-life lines from late mom Susan Roces
Ang mensaheng iniwan ni Senator Grace ang isa sa madamdaming tagpo nang ihatid sa huling hantungan ang 80-year-old actress sa Manila North Cemetery nitong Huwebes ng tanghali, May 26.
Ipinasok sa nitso ang kabaong ni Susan bago mag-alas dose ng tanghali, tulad ng kanyang asawang si Fernando Poe Jr. na inilibing katabi ng nitso ng beteranang aktres noong December 22, 2004.
Ang veteran actress na si Boots Anson Roa-Rodrigo at ang hipag nitong si Pempe Padilla, na best friend ni Boots, ang ilan sa mga nakipaglibing sa sumakabilang-buhay na aktres.
Lumuha at nagdalamhati nang husto ang mga tagahanga ni Susan na nagsadya sa Manila North Cemetery para magbigay-pugay sa huling pagkakataon.
Nang ilabas ang kabaong ni Susan mula sa Heritage Park sa Taguig City, isang matandang babae na umiiyak at umiidolo sa kanya ang nakuntento na lamang na haplusin ang sasakyan na magdadala sa aktres sa Manila North Cemetery.
Isa lamang ito sa maraming eksena ng pagdadalamhati dahil sa pagkawala ng Queen of Philippine Movies.
Nang umalis mula sa Manila North Cemetery ang mga miyembro ng pamilya at malalapit na kaibigan ni Susan, patuloy na sinasadya ng ating mga kababayan ang kanyang puntod.
Inaasahang araw-araw nang mangyayari ito gaya nang ilibing si FPJ noong 2004.
Ito ang pagkakataon na kahit nasa kabilang buhay na ang mga itinuturing na Hari at Reyna ng Pelikulang Pilipino, nalalapitan pa rin ng kanilang mga matatapat na tagahanga ang mga katawang lupa nila na “larger than life” noong nabubuhay pa sila.
Related Stories
- Queen of Philippine Movies Susan Roces dies
- Alex Gonzaga, Kim Chiu, Bela Padilla, Bianca Gonzalez mourn death of Susan Roces
- Vilma, Maricel, Lorna, Judy Ann, Ai-Ai pay tribute to fellow queen Susan Roces
- Lovi Poe nagparating ng pakikiramay sa pagpanaw ni Susan Roces
- Rosemarie Sonora, hindi makakauwi para sa burol at libing ng kapatid na si Susan Roces
- Mga ARTISTA at iba pang KILALANG TAO sa unang gabi ng BUROL ni SUSAN ROCES
- Boots Anson Roa-Rodrigo likens passing of Susan Roces to movie queen's "French leaves" at events
- Senator Grace Poe on passing of mother Susan Roces: “Nabigla rin kami.”
- Julia Montes vows to remember life lessons from Queen of Philippine Movies Susan Roces
- Ang Probinsyano cast and crew, nagbigay-pugay sa Queen of Philippine Movies na si Susan Roces
- Sheryl Cruz, daughter Ashley pay tribute to Susan Roces
- Coco Martin recalls fond memories with late Queen of Philippine Movies Susan Roces
- Mga labi ni Susan Roces, ililibing sa tabi ng puntod ni FPJ sa Manila North Cemetery
- Pepe Herrera posts emotional tribute to late movie queen Susan Roces
- Eddie Gutierrez tears up in eulogy for perennial leading lady Susan Roces
- Maricel Soriano, Eric Quizon, Roderick Paulate, Helen Gamboa honor the late Susan Roces
- Sheryl Cruz, ibinahagi ang mga huling sandali ng tita niyang si Susan Roces sa ospital
- Senator Grace Poe recalls most memorable real-life lines from late mom Susan Roces
- Sheryl Cruz, nag-record ng sariling eulogy para sa kanyang Auntie Susan Roces
- Brian Poe-Llamanzares inalala ang mga payo ng kanyang Lola Susan Roces