Hindi lamang mga Pilipino kundi pati mga Singaporean ang pinaluluha ng TikTok video ni Kelly Chua tungkol sa malaking sorpresang natanggap niya sa araw ng kanyang kasal kay Ken Toh noong April 23, 2022.
“My brother gave me the biggest wedding surprise ever,” sabi ni Kelly.
Ang tinutukoy niya ay ang pagdalo ng kanyang dating Filipino nanny na si Lolita Tabaque, 71.
Napahagulgol ng iyak si Kelly at napasigaw ng “Oh my God!” nang makita niya si Lolita at nagyakap sila nang mahigpit.
Tatlong taon silang hindi nagkita dahil umuwi na sa Pilipinas ang kanyang yaya.
“My brother flew my domestic helper of 27 years in from Philippines to attend my wedding.
"She went home 3 years ago and told me she couldn’t attend my wedding because she didn’t manage to renew her passport, but my brother actually had it all planned from the start.
"I love you, yaya," caption ng 28-year-old Singaporean bride sa kanyang heartwarming Tiktok video.
Nagkomento rito ang apo ni Lolita na si Chenee Joy Sumalde.
Aniya, “Congratulations to both of you! Your yaya is my grandmother. We are happy that she was there in the most important event of your life.”
Sagot ni Kelly, "Thank you Chenee. I’m so happy that she’s here too! Send my regards to your family. God bless! "
Nagkomento rin ang ilang mga kababayan ni Kelly na napaiyak sila nang mapanood ang reunion video dahil nami-miss din nila ang mga dating Filipina nanny na matagal na naglingkod sa kanila.
Ikinuwento naman ni Kelly sa panayam sa kanya ni Nicholas Yong ng Yahoo! Singapore na magkasama sila ni Lolita sa iisang kuwarto sa halos buong buhay niya.
"[As a child], when I had trouble sleeping, she’d wake up in the middle of the night to massage my eyes, helping me to feel relaxed and calm enough to fall asleep.
"There was one year she climbed up a hill all by herself late at night, with the moon as her only source of light, to get enough reception to call and wish me 'happy birthday,'" kuwento ni Kelly tungkol sa kanyang yaya.
@otter.totts My brother gave me the biggest wedding surprise ever ?????? #weddingsg #weddingsurprise #weddingdaysurprise #bestsurprisever #domestichelper #yaya #fyp #touchingmoment ? original sound - otter.totts
Hindi nawalan ng komunikasyon ang pamilya ni Chua kay Lolita na mahal na mahal nila at itinuring na hindi iba sa kanila.
Taon-taon, pinadadalhan nila si Lolita ng mga damit at pagkain na kanyang paborito tuwing kaarawan niya.
Gustung-gusto ni Kelly na bisitahin si Tabaque sa Pilipinas, pero hindi pa ito nangyayari dahil sa coronavirus pandemic.