Hindi pinalad manalo ang Philippine representative at former It’s Showtime Bidaman contestant na na si Mico Angelo Teng sa 7th Mister Global pageant.
Maagang natapos ang Mister Global journey ni Mico dahil hindi siya nakabilang sa Top 17 semifinalists.
Hindi rin siya tumanggap sa napakaraming special awards na ipinamudmod sa coronation night na nangyari sa Mahasarakham, Thailand, ngayong Martes ng gabi, March 15, 2022.
Si Miguel Angel Lucas Carrasco ng Spain ang hinirang na 7th Mister Global winner.
First runner-up si Danh Chieu Linh ng Vietnam, second runner-up si Dongwoo Shin ng South Korea, third runner-up si Juan Carlos Da Silva ng Venezuela, at fourth runner-up si Gabriel Ortiz ng Mexico.
Si Jongwoo Kim ng South Korea ang pinakamatagal na title-holder ng Mister Global at si Carrasco ang successor niya.
Nanalo si Kim sa 6th Mister Global noong 2019 pero dalawang taon (2020 at 2021) na hindi idinaos ang nasabing patimpalak para sa mga kalalakihan dahil sa coronavirus pandemic.
Mailap sa Pilipinas ang Mister Global crown dahil hindi pa nagkakaroon ng Pilipino na nagwawagi maliban kay Wilfred Placencia, ang fourth runner-up sa 1st edition ng Mister Global na ginanap sa Nakhon Ratchasima, Thailand noong March 27, 2014.