Kasama si Miss World Philippines Tracy Maureen Perez sa Top 40 candidates na babalik sa San Juan, Puerto Rico para sa Miss World coronation night na magaganap sa March 16, 2022.
Ito ay matapos niyang mapabilang sa listahan ng 15 Fast Track Winners ng 70th edition ng beauty pageant.
Ang Fast Track winners ay ang mga kandidatang nagtamo ng mataas na puntos sa mga fast track competitions, gaya ng Beauty With a Purpose, Head to Head, Sports, Talent, Top Mode, at Multimedia.
Base sa anunsiyo ng Miss World sa Facebook, sa kategoryang Beauty with A purpose at Head to Head nag-shine si Maureen.
Samantala, 25 candidates ang tinaguriang "Judges Choices."
Ninety-seven (97) ang official candidates na sumipot sa hindi natuloy na final show noong December 16, 2021 dahil sa COVID-19 outbreak sa mga contestants at production staff.
Tiniyak ng Miss World organization sa inilabas nitong official statement na mapapanood pa rin sa live broadcast ng 70th Miss World ang 57 candidates na hindi pinalad na makasali sa Top 40 list at hindi na pinabalik para sa final show.
"Julia Morley and her Miss World team would like to take this opportunity to thank all of the contestants from the 97 countries that have contributed so much to this year's event.
"We are sad that you cannot all return for the finale, but we really hope that every country will join with us online on March 16th. (Details for these arrangements will follow).
"All 97 Miss World Contestants will be featured in the broadcast of the 70th Miss World Final, which will air 8pm - 11pm ET on March 16th live from the Coliseo De Puerto Rico José Miguel Agrelot.”
Ibinahagi rin ng Miss World ang mga petsa na importante para sa natitirang activities ng beauty pageant.
- March 12- Arrivals Day
- March 16- 70th Miss World Finals,from 8 p.m. to 11 p.m. (local)
- March 17- Beauty With A Purpose Special Event
- March 18- Contestants return to home countries