Napakapalad ang pakiramdam nina Sarah Geronimo at Matteo Guidicelli dahil pumayag ang legendary Filipino singer na si Jose Mari Chan na magkaroon ng special participation sa Christmas with The G’s, ang online Christmas concert ng mag-asawa na mapapanood sa ktx.ph at Vivamax Plus ngayong Sabado ng gabi, December 18.
Ayon kay Sarah, personal favorite nila ni Matteo si Jose Mari kaya malaking karangalan na bahagi ng kanilang Christmas concert ang OPM icon.
Sumailalim si Jose Mari sa mandatory swab test bago siya nag-taping para sa Christmas with The G’s.
Sabi ni Sarah, “We’re very lucky, he said yes to us.
"Siyempre nga, Tito Joe is senior na. Medyo delikado na rin para sa kanya na mag-shoot sa labas.
“He really wanted to perform with us physically, magkakasama kami. Parang nasabik din si Tito Joe sa company ng ibang tao. Yung stage, na-miss din niya performing.
"Ang saya, grabe! Thank you po Mr. Jose Mari Chan, sobra po kaming thankful.”
Ikinuwento naman ni Matteo na binigyan sila ni Jose Marie ng mga payo na pinahahalagahan nila ni Sarah, at ipakikita rin ito sa Christmas with The G’s.
“He had really nice advise for us. Actually, it’s on-cam, it’s recorded, and nasabi niya yung mga advice niya sa amin… sobrang ganda.
“He’s a legend talaga. We could talk the whole day.
"Sabi ni Direk Paolo [Valenciano, direktor ng concert], 'Okay na.Tama na. Tama na,'" lahad ni Matteo, na napahaba ang pakikipagkuwentuhan kay Jose Mari dahil masarap nga itong kausap.
Idinagdag ni Matteo na kapana-panabik ang unang Christmas concert nila ni Sarah dahil sa segment tungkol sa Kythe Foundation, ang beneficiary ng Christmas with The G’s.
Saad niya, “The show is very, very exciting because Sarah, specifically, shows the foundation that our viewers, yung ating mga kababayan, can donate.
“Kythe Foundation supports and helps out kids with chronic illnesses like cancer so people can donate to this foundation that could change people’s lives.”
Nagbiro rin si Matteo na isang baking show ang Christmas with The G’s dahil mahusay na sa baking ang kanyang misis.
Use these Udemy coupons when you shop or order online. Marami pang ibang coupons dito.