Ang Lulu ang unang Girl Love series project ni Rhen Escaño, pero isang lesbian movie ang launching movie nila ni Cindy Miranda noong November 2019, ang Adan.
Ang former The Voice Philippines finalist na si Rita Martinez, na isang lesbian sa tunay na buhay, ang romantic partner ni Rhen sa Lulu.
Kinunan ang mga eksena ng Lulu sa San Antonio, Zambales. Nakatakda ang streaming nito sa Vivamax sa January 22, 2022.
Nang mapanood ni Rhen sa kauna-unahang pagkakataon ang teaser ng Lulu, ipinagtapat niya ang naramdamang kilig na bihirang-bihirang mangyari sa kanya.
“Hindi ko talaga mapigilan ang sarili ko. Nakakakilig po talaga,” pag-amin ni Rhen.
“Kung ano po yung napi-feel ko noong shoot namin, mas doble nang makita ko yung mga eksena. Sana maramdaman din po ng mga tao yun.
"Nakaka-excite siya kasi, ako mismo, madalang ko na maramdaman yun sa sarili ko na ma-convince ko ang sarili ko sa ginagawa ko.
"Parang nakakatuwa na kinilig ako sa sarili ko, kinilig ako sa mga ginagawa ko."
GIRL LOVE SERIES
Mula sa concept at direksiyon ni Sigrid Andrea Bernardo ang Lulu, na unang Girl Love series project niya. Pero tungkol din sa same-sex relationship ang kanyang directorial debut noong 2013, ang critically acclaimed movie na Ang Huling Cha-Cha ni Anita.
Malapit sa puso ni Direk Sigrid ang mga kuwentong may kinalaman sa mga miyembro ng LGBTQIA+ community dahil sa kanyang mga kaibigan at personal na karanasan.
Pahayag ng direktor, “Marami akong kaibigang members ng LGBT community and some of them, based sa experience ko rin, so why not make a film close to my heart?
“Meron pa rin akong ibang themes na pelikula. Usually, lahat naman siguro ng direktor o writer merong laging something about themselves na inilalagay nila sa bawat pelikula para mas may puso at totoo kapag pinanood.
“Definitely lahat ng mga pelikula ko o series, meron ako doon.”
Nagbigay rin ng opinyon si Direk Sigrid tungkol sa katotohanang mas marami ang mga producer at direktor na gumagawa ng Boy Love series kesa Girl Love series.
“Siguro, bihira ngayon ang GL kasi yun ang laging impression ng mga tao, na kapag lesbian ka, kapag babae ka, ang intindi nila, mas emotional.
“Yun ang tingin nila sa mga babae, lalo na yung society. Kapag nagme-make ng point, madaldal, so tumatawid siya sa pagiging lesbian.
“Kapag lesbian, mas maraming struggle, seryosong tao, and wala silang sense of humor.
“Ang hindi nila alam, normal din na tao ang mga lesbian. Nasasaktan, may sense of humor, at iba-iba ang characters.
"So, very important na ipakita sa mga series at new films kung ano yung mga totoong characters ng lesbians, hindi lang sa gays.
"Ang gays, alam na natin ‘yan, mas marami na silang pelikula or series. So, its about time to make more GL movies para maipakita at para mabasag kung anuman yung impressions sa lesbians," saad ni Direk Sigrid.
Use these Zalora vouchers when you shop or order online. Marami pang ibang coupons dito.