Plano ng mag-asawang Mikael Daez at Megan Young na manirahan sa Subic, Zambales.
Isa ito sa mga napag-usapan sa Zoom media conference para kay Mikael dahil sa muling pagpirma nito ng kontrata sa GMA Network Inc. ngayong Huwebes ng hapon, August 26.
Ikinuwento ni Mikael na may lugar na sila ni Megan sa Subic, pero hindi pa natutuloy ang kanilang paglipat dahil nasa Metro Manila pa rin ang lahat ng mga trabaho nila.
Saad niya, “Just an update, we haven’t moved to Zambales yet.
"What happened there is that may lugar na kami sa Subic, pero very spontaneous kami ng asawa ko and we realized that a lot of work still requires us to be based here in Metro Manila.
“Ang nangyayari diyan, 'Okay, decide tayo, because of work, we have to be grateful for the opportunities that come our way, let’s stay here in Metro Manila.
"'And when we have time, maybe a day or a weekend, we go to Subic when quarantine rules allow for it.'"
Patuloy ni Mikael, "Why would it be amazing to move to Subic? Kasi, long-term goal, when timing allows for it, lilipat talaga kami in a heartbeat.
“Yung quality of life there is very, very different. You don’t have to go through EDSA and through traffic.
"Sa totoo lang, spending two hours of your day literally almost ten percent of your life in traffic, sayang naman."
Naniniwala si Mikael na magiging magandang alaala, sandali, at karanasan para sa kanila ni Megan ang balak na paninirahan nila sa Subic.
LOVE OF MY LIFE ON NETFLIX
Mahigit isang dekada nang contract star si Mikael ng GMA-7 kaya nagpapasalamat siya sa mga oportunidad na ibinigay sa kanya ng mother studio niya.
Ang drama series na Love of My Life, na napapanood ngayon sa Netflix, ang huling assignment ni Mikael sa Kapuso Network.
Hindi pa pinapanood ni Mikael sa Netflix ang Love of My Life, pero ikinatutuwa niya na napapanood sa nabanggit na streaming platform ang programang pinaghirapan nila.
“In terms of having content on Netflix, that makes me very proud.
"We have our teleserye, something we put so much blood sweat and tears into literally, and it can be viewed by anybody around the world now in HD.
"That’s pretty cool. That’s really nice," sabi ni Mikael.
Use these Nike promo codes when you shop or order online. Marami pang ibang coupons dito.