Reclusion perpetua o habambuhay na pagkakakulong ang hatol ng korte kay Jonel Nuezca.
Si Nuezca ang Philippine National Police (PNP) officer na walang awang pumaslang sa mag-inang Sonia at Frank Anthony Gregorio ng Barangay Cabayaoasan, Paniqui, Tarlac noong December 20, 2020.
Si Judge Stella Marie Gandia-Asuncion ng Paniqui Tarlac Regional Trial Court Branch 106 ang nagpataw ng parusa kay Nuezca.
Napatunayan ng korte na guilty beyond reasonable doubt si Nuezca sa double murder case na isinampa laban sa kanya.
Maliban sa habambuhay na pagkakakulong, pinagbabayad din siya ng danyos na P952,560 sa mga naulila ng mga biktima.
Kinondena ng buong mundo ang pagpatay ni Nuezca sa mag-ina, na malinaw na nakunan ng phone video at mabilis na nag-viral.
Matibay na ebidensya ito laban sa killer cop na lasing at nagalit dahil naingayan siya sa boga o improvised noisemake cannon na ginawa ni Frank Anthony.
Nagkaroon ng pagtatalo ang magkabilang-panig, inawat ni Sonia si Nuezca para huwag nitong saktan ang kanyang anak.
Saksi ang menor de edad na anak na babae ni Nuezca habang nagaganap ang kaguluhan.
Sumigaw pa ang anak ni Nuezca ng "My father is a policeman!"
Sinagot naman ito ni Sonya ng “I don’t care!” sa tono ng sikat na kanta ng K-pop group na 2NE1.
Tuluyang nagdilim ang isip at paningin ng killer cop na walang awang binaril ang mag-ina.
Tumagal lamang ng walong buwan ang pagdinig at pagpapasya ng korte sa kaso ni Nuezca.
May mga nagsabing agad na nakapaglabas ng hatol ang korte sa double murder case laban kay Nuezca dahil nakatulong ang mga komento ng publiko tungkol sa video na ginamit na ebidensiya.
Pero paglilinaw ni Judge Asuncion sa desisyon nito: “The case before the Court, we reiterate, has been sensationalized partly because of the personalities involved, but more so because the felonious acts were recorded through a phone video and were immediately uploaded in the social media.
“The consequence is unimaginable and the video is inundated with comments. Be that as it may, the Court remains steadfast and independent and will not succumb to an ocean of public opinion and will not be persuaded or swayed by any social forces or influence.
“The Court shall remain as the bastion of the rule of law and shall not be subdued to the fortress created by the ocean of public opinion and sensationalism.
“The Court, as it always does, shall remain passive, neutral and impartial. The voice of the Court shall only be heard within its hollow grounds ingrained from the confines of its decision.”