“Thank you from the bottom of my and all hearts! Maraming salamat po! Pumuputok na po ang puso ko sa saya! God bless us all and love you!!!”
Ito ang pasasalamat ni Sharon Cuneta nitong Linggo, August 8, 2021, para sa lahat ng mga tumatangkilik sa Revirginized, ang kanyang pelikula na nag-umpisa ang streaming noong Biyernes, August 6, at idineklara ng VivaMax bilang Top Content of the Week.
Hindi lamang Top Content of the Week ng VivaMax ang Revirginized dahil gumawa rin ito ng kasaysayan sa streaming site na ktx.ph bilang Viva Films movie with the most presold tickets.
Nagkaroon si Sharon ng "moment" sa virtual media conference ng Revirginized nang marinig niya ang announcement na marami ang bumibili ng tickets dahil may "tumama" umano sa kanya.
“Something hit me. I haven’t heard that term [breaking records] in many years. I want to cry.
“I used to break my own records. I used to be the only one able to break my own records… for many years.
“And thank you Direk Darryl [Yap] for this movie. Thank you for Carmela [ang pangalan ng karakter niya sa Revirginized].
"Thank you to my Sharonians. Thank you Viva,” ang naiiyak na sabi ni Sharon.
Maligayang-maligaya si Sharon dahil sa mga positive review at word-of-mouth na maganda ang Revirginized na maituturing na pinaka-kakaiba sa lahat ng mga pelikulanga ginawa niya.
Hindi rin nakalimutan ni Sharon na pasalamatan at purihin si Marco Gumabao, ang kapareha niya sa Revirginized.
Papuri niya, “Si Marco talaga, he’s a dream to work with dahil guwapo, mabilis turuan ni Direk. Masarap kaeksena.
“The first time he’s working with me and I know some people become a little bit uncomfortable when they’re working with a veteran, kasi bago lang sila.
“But I’m the type that really makes… I like a happy, comfortable set, so it’s really my nature to befriend everybody.
“At saka yung mga nagiging friends ko, mas maraming boys kesa sa girls. Sorry, pero maraming artistang babae maarte, so iniisip ko maarte pero talagang cowboy ako kaya di ba, bestfriend ko noon si FPJ [Fernando Poe, Jr.], si Daboy [Rudy Fernandez], up to now I’m close to Robin.
“Mga boys talaga na katrabaho ko but si Marco, he’s such a good boy. I’m very proud the way he handles his career and most of all, kaya kami naging magkaibigan, yung kind of son he is.
“Parang he’s the man of the house now and it’s very touching to me and I don’t wanna get emotional about it, but I would wish for a son like Marco.”
Use these Lalamove promo codes when you shop or order online. Marami pang ibang coupons dito.