Ngayong contract star na siya ng GMA Artist Center, pwede nang palitan ni Luke Conde ang mga user name nito sa kanyang mga social media account.
"Hashtag Luke Conde" ang handle name ni Luke sa mga social media account nito at dahil wala na siya sa Kapamilya Network, nararapat lang na hindi na niya gamitin ang pangalan ng grupo na kanyang dating kinabibilangan.
Hindi si Luke ang huling artista na nanggaling sa ABS-CBN na nagdesisyong ipaubaya sa talent management arm ng GMA Network ang pamamahala sa kanyang showbiz career.
Anytime soon, magkakaroon ng official announcement ang GMA Artist Center na contract star na rin nila ang comedienne na si Pokwang.
Si Pokwang ang special guest sa The Boobay and Tekla Show sa darating na Linggo, June 20.
Ipinahiwatig na ito sa official Instagram account ng comedy talk show ang paglipat niya sa Kapuso Network.
Hindi maitatangging si Pokwang ang pinahuhulaan nina Boobay at Tekla sa kanilang “Guest Who?” post na may caption na "Sino kaya ‘tong bagong Kapuso star na makakasama ng #TBATS squad ngayong Linggo?"
Na-pre-empt ang formal announcement tungkol sa pagiging Kapuso ni Pokwang dahil nauna nang naglabas ang official Instagram account ng comedy show nina Tekla at Boobay.
Ibinalita na rin sa Facebook page ng Solid Kapuso at Kapuso Global Warriors ang pagpasok ni Pokwang sa GMA-7.
Pokwang with TBATS hosts Boobay and Super Tekla
Use these Shopee vouchers when you shop or order online. Marami pang ibang coupons dito.