Ngayon ang huling Lunes sa telebisyon ng Love of My Life dahil magwawakas na ito sa darating na Biyernes, March 19.
Tulad ng kanyang co-stars na sina Coney Reyes, Mikael Daez, at Carla Abellana, maraming magaganda at masasayang alaala si Rhian Ramos sa taping ng kanilang prime-time drama series sa GMA-7.
May mga pagbabago ring itinuro kay Rhian ang lock-in tapings nila para sa Love of My Life.
“I was skeptical about lock-in tapings and I was a little nervous going into it. Pero sa totoo lang, nae-enjoy ko siya.
"Whether babalik tayo sa dating paraan kung paano mag-taping or how to shoot a teleserye or mag-stay tayo sa ganitong way, I will be happy both ways because I really had a very positive experience," sabi ni Rhian.
NO REGRETS
Marami raw siyang natutunan dahil sa coronavirus pandemic, pero walang panghihinayang sa mga pagkakamaling nagawa niya noon.
"I always say this about anything that you’ve already done, you can’t change it anyway.
"There’s no point to regret any kind of happening because part ‘yon ng what makes you you—the ups, the downs, the funtimes, the pain.
"It has all little contributions sa kung sino ka and I’m happy naman now so there’s really no reason to change."
Isa sa mga naisip ni Rhian noong 2020 ay ang magtayo ng negosyo, at ito ang kanyang itinuturing na pinakamahalaga sa mga napagtanto niya sa gitna ng pandemya.
"Honestly, I’ve been always interested in doing my own business or creating my own products and everything. I just never went for it but because of the year we had, it fast tracks people.
"Parang if there’s a lesson that I learned, why wait? Do what you can do now, experience what you wanna experience. You never know when you’re always gonna have the opportunity."
May reinvention bang dapat asahan mula sa ‘yo ngayong 2021?
Sagot ni Rhian, "Sa tingin ko, halos every year naman, may reinvention na nagaganap na kahit hindi ko pinaplano, hindi sinasadya, just because from the year before, may mga bagong lesson na natutunan, may mga bagong experience na pwedeng i-apply.
"It just so happens na 2021, the year that came before, 2020, was sooooo eventful.
"So, ito talaga siguro yung hindi ko rin sinasadya, pero baka maging pinakamalaki kong reinvention kasi ang dami kong natutunan sa 2020 and ang dami kong na-experience na very once in a lifetime happenings."