Ipinagmamalaki ni Coney Reyes ang kanyang anak na si Pasig City Mayor Vico Sotto dahil kabilang ito sa labindalawang personalidad na kinilala ng U.S. State Department bilang International Anti-Corruption Champions.
Nagsalita si Coney tungkol sa bagong achievement ni Vico sa farewell digital presscon ng Love of My Life, ang top-rating drama series ng GMA-7 na nakatakdang magwakas sa March 19.
Ginanap ang presscon ngayong Biyernes ng tanghali, March 5.
Bakas sa mukha ni Coney ang kaligayahan nang sagutin niya sa naganap na virtual presscon ang tanong tungkol sa kanyang anak.
Pahayag ng veteran actress, "I am very proud of my son.
"I’m very grateful to the Lord for all the things He has been doing in him and through Him, kaya nga lagi kong sinasabi, 'Glory to God.'
"Natutuwa lang ako na kahit papaano, nare-recognize yung efforts niya and, actually, he’s not really after the recognition."
Sinabi ni Coney na nagpapasalamat si Vico sa pagkilala ng U.S. State Department sa kanyang pagsisikap na mahinto ang corruption, pero gusto talaga ng anak niyang malaman ng mga tao ang tunay na sitwasyon ng ating bansa.
"He’s grateful for all these honor, very grateful. Pero what he seeks to do is really make people aware of... yung parang kung hindi pa kayo aware, ito yung nangyayari sa bansa natin.
"Let’s help eradicate corruption, na ma-denormalize na ang corruption, kasi parang nagiging normal na sa kultura natin yung corruption.
"So, yun ang prayer ng heart niya, alam ko…"
Malaking bahagi ng buhay ng mag-ina ang Panginoong Diyos kaya hindi sila nakalilimot sa pagdarasal dahil naniniwala ang dalawa sa kapangyarihan Niya.
Saad ni Coney, "Lagi kaming nagpe-pray. We pray together… in the morning we pray before he leaves basta nandiyan ako.
"Sobrang proud ako sa kanya. Sobrang happy ako.
"Sana hindi lang ito natatapos dito sa honor na ganito kundi sana maging inspirasyon sa mga ibang leaders, lalo na yung mga kabataan na huwag matakot.
"Na it’s okay to make a stand, and if we make a stand collectively, it can amount to something for the country.
"It can happen, it is possible. We can do it together.
"But he realized he cannot do it alone. He has a great team. My son has a great staff, great team, and I’m thankful to the Lord for that.
"Kahit isa sa atin, walang kayang gawin on our own kaya laging ine-emphasize ko ang unity, kasi talagang kapag may concerted effort, collaborative efforts, united efforts, kapag united talagang may blessings.
"So, sana maging united na tayo," paalaala ni Coney para sa lahat.
LOVE OF MY LIFE
Bukod sa pagkilala kay Vico bilang Anticorruption champion, itinuturing din ni Coney na isang biyaya mula sa Panginoon ang mapabilang siya sa cast ng Love Of My Life.
Ipinagdarasal niyang may aral na natututunan ang viewers mula sa kanilang popular drama series.
"It’s really such a blessing to be part of the cast of Love of My Life, and I enjoyed working with these talented group immensely and grateful for the feedback.
"We pray that it’s going to leave a mark in the hearts of people.
"And I’ve been telling them, the cast and the production team, na sana it can help them, our viewers, make wise decisions, Godly decisions, in whatever problems they have in life.
"Kasi ngayon, ang gulo-gulo, di ba?
"Parang everybody’s so stressed out, many people getting depressed, very fearful.
"So, I know the show will give them some enlightenment, that’s our goal also…"