January 2016 nang i-release ng Viva Records ang "Tala."
Ang "Tala" ay ang phenomenal hit song ni Sarah Geronimo na muling namayagpag noong 2019, naging dance craze, at ginawan ng iba’t ibang dance cover ng mga Pilipino sa buong mundo.
Hindi natapos sa 2019 ang kasikatan ng "Tala" dahil ito ang pangalawa sa Most Googled Song sa Pilipinas nitong 2020, kaya "pandemic proof" ang tawag sa hit single ni Sarah.
To date, halos umabot na sa 200 million ang views sa "Tala."
Sarah Geronimo
Itinuturing itong pinakamatagumpay na Filipino song of the millennium dahil number 12 ito sa Billboard’s World Digital Song Sales Chart noong January 2020.
Ito ay kahit hindi masyadong aktibo si Sarah sa music scene mula nang magpakasal sila ni Matteo Guidicelli noong February 20, 2020.
Hindi lamang ang "Tala" ang tinangkilik ng mga Pinoy music lover.
OTHER HIT OPM SONGS
Most Streamed Song naman sa Spotify ang "Hindi Tayo Pwede" ng Bulacan-based Filipino rock band na The Juans.
The Juans
Naging bahagi ng Elites of Rap ang rap quartet ng ALLMO$T dahil ito ang Most Streamed Pinoy Hip-hop Artists ng 2020.
Ang ALLMO$T ang kumanta ng viral hit na "Dalaga."
ALLMO$T
Malaki ang ipinagbago ng takbo ng buhay nina Juan Caoile at Kyle ng Juan X Kyle dahil certified hit ang kanilang debut single na "Marikit."
Sa exclusive interview ng Cabinet Files kay Juan noong July 2020, nagpahayag siya ng lubos na pasasalamat sa Panginoong Diyos dahil sa success ng kanta nila ni Kyle.
Masayang-masaya ang dalawa dahil ang "Marikit" ang idineklara na Most Streamed Pinoy Hip-hop Song ng 2020.
Juan X Kyle
Kabilang sa Top Tracks of 2020 ang "Ivana" ng Soulstice na meron nang mahigit na 50 million views sa YouTube.
Ang sexy star na si Ivana Alawi ang inspirasyon ng sikat na kanta ng Soulstice.
Soulstice
Gumawa rin ng ingay sa local music industry ang Bandang Lapis, ang umawit ng monster hit na "Sa Kabilang Buhay"; ang Cagayan de Oro-based neo-soul singer na si Arthur Nery, ang kumanta ng "Binhi"; at ang 16-year-old singer guitarist-songwriter na si Rob Deniel, ang composer ng viral overnight song na "Ulap" na cellphone lamang ang ginagamit sa paglikha ng mga kanta.
Bandang Lapis
Popular sa OPM enthusiasts ang mga awit nina Arthur, Rob, at ng Bandang Lapis pero hindi sila pamilyar sa hitsura ng mga nabanggit na mang-aawit.
Arthur Nery (left) and Rob Deniel (right)