Lumitaw na ang unang bahagi ng video ng tangkang pagdakip ni Police Staff Sergeant Jonel Nuezca kay Frank Anthony Gregorio sa Paniqui, Tarlac.
Makikita rito ang pananabunot ng batang anak na babae ni Nuezca sa isang babaeng umaawat sa ginagawa niya.
Sa huling bahagi naman ng video, kitang-kita ang pananakit ng bata kay Sonya Gregorio, ang ina ni Frank na niyakap nang mahigpit ang kanyang anak para protektahan sa pag-aresto ni Nuezca.
Pagsigaw ng bata ng “My father is a policeman!” ay walang awa at walang pusong binaril ng pulis ang mag-inang Sonya at Frank.
Sumiklab ang galit ng mamamayang Pilipino dahil sa brutal na pagpaslang ni Nuezca sa walang kalaban-labang mag-ina at sa inasal ng kanyang anak.
BATO POLICE CHIEF
Lalong nagsilakbo ang damdamin ng mga Pilipino dahil sa insensitive and irresponsible social media post ni Bato, Catanduanes Municipal Police Station Officer in Charge Police Captain Ariel Buraga.
Sabi ni Buraga sa kanyang Facebook post (published as is):
“My Father is a Policeeee Mannnnn ha!!! I don’t care eh eh eh eh eh err!!! P***ng ina mo gusto mo tapusin na kita ngayon???? Bang Bang Bang Bang..
"Lesson learn kahit puti na ang buhok o ubanin na tayo eh matuto tayo rumispeto sa ating mga kapulisan. Mahirap kalaban ang pagtitimpi at pagpapasensya.
"RIP Nanay and Totoy."
Hindi napanindigan ni Buraga ang kanyang social media post dahil binura niya ito agad dahil siya ang napagbalingan ng poot ng mga netizens.
Sa panayam ng Radyo Natin Virac, sinabi ni Buraga na walang masamang intensiyon ang kanyang social media post dahil napamura nga raw siya nang mapanood niya ang pamamaril ni Nuezca.
Hindi umano kinakampihan ni Buraga ang kriminal dahil gusto lamang niyang ipahiwatig na dapat na may respeto sa pulis, kahit ang mga matatanda, bilang nawawala na ang respeto ng mga tao sa kapulisan.
Nabahala naman ang mayor ng Bato, Catanduanes na si Juan Rodulfo sa naging pahayag ni Buraga.
Sa pamamagitan ng isang official statement ay nagpahayag si Rodulfo ng saloobin tungkol sa police chief ng Bato.
Narito ang kabuuan ng kanyang pahayag:
JINGGOY ESTRADA
Headline na sa mga international news ang pamamaslang na ginawa ni Nuezca kaya kinokondena ng halos buong mundo ang karumal-dumal na krimeng ginawa niya.
Isa si former Senator Jinggoy Estrada sa mga nagpahayag ng galit nang mapanood niya ang viral video ng pamamaslang.
Aniya, “Nakaka-puta_inamo ‘yung pulis na bumaril sa mag-ina!!! Hayop ka, mabulok ka sana sa kulungan!Taena Mo!”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika