Download for free: the "Big John" e-book written by Yvette Fernandez and illustrated by Abi Goy.
Ang mga anak na babae nina Ruffa Gutierrez at Lian Paz ang mga supling ng popular celebrities na future ng local entertainment industry.
Ito ay kung sakaling magdesisyon silang sundan ang yapak sa showbiz ng kanilang mga magulang.
Si Lorin Gabriela Bektas ang 17-year-old daughter ng former beauty queen at actress na si Ruffa sa dati nitong asawa na si Yilmaz Bektas.
Stunner si Lorin sa mga litrato na kuha sa recent Boracay vacation nila ng kanyang ina at kapatid na si Venice.
Nang i-post ni Ruffa sa social media accounts nito ang Boracay picture ni Lorin, marami ang humanga at nagsabing potential beauty queen din ang panganay na anak niya, kahit hindi nito minana ang towering height ng kanyang ina.
Hindi rin nakaligtas sa paningin ng lahat ang magandang hugis na katawan ni Lorin, na maikukumpara sa magandang pangangatawan ng kanyang lola na si Annabelle Rama noong kabataan nito at active pa sa showbusiness.
Lorin Bektas
XONIA AND XALENE
Sina Xonia, 10, at Xalene, 9, naman ang mga anak ni Lian Paz sa dating asawang si Paolo Contis.
Bata pa lang sina Xonia at Xalene, ngunit lutang na lutang na ang kagandahan nila.
Minana ni Xalene ang maamong mukha ni Lian, na kilalang magaling na dancer-turned-actress.
Xalene Contis
Pero sa ngayon, malabo ang posibilidad na pumasok sa showbiz si Xalene dahil nakasentro ang atensiyon nito sa pag-aaral.
"Focused siya ngayon sa school,” pahayag ni Lian nang makausap siya ng Cabinet Files ngayong umaga, November 27.
"Shy si Xalene," sagot ni Lian nang itanong namin kung nagpapakita ng interes sa showbiz ang kanyang anak.
"Salamat po sa Diyos, honor student lagi si Xalene. Grade four na siya ngayon at Grade 5 naman si Xonia," pagtukoy ni Lian sa panganay niyang anak na nagtataglay rin ng magandang mukha.
Xonia Contis
"I am blessed to have them. They’re not just beautiful as you see them. Mapagmahal at maintindihin sila," may pagmamalaking sabi ni Lian.
Itinuturing ni Lian na tunay na kayamanan ang kanyang mga anak na pinalalaki niyang may takot pero malapit at malaki ang tiwala sa Diyos.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika