Limang taon na ang nakalilipas mula nang maganap ang pinag-usapan nang hustong announcement ng winner sa Miss Universe 2015.
Nagkamali ang American TV host na si Steve Harvey sa announcement ng Miss Universe 2015 winner dahil si Miss Colombia Ariadna Gutierrez at hindi si Miss Philippines Pia Wurtzbach ang tinawag niya.
Pero buhay na buhay pa rin ang nangyari sa memorya ng ilang mga Pilipino, na tila nahihirapang mag-move on kaya pinapatulan ang lahat ng mga lumang kontrobersiya na may kinalaman dito.
Nitong second week ng October 2020, muling nakatikim si Ariadna ng mga batikos mula sa supporters ni Pia dahil binigyan ng malisya at ibang kahulugan ang kanyang sinabing "she was like a ghost" patungkol sa Filipina beauty queen.
Sa exclusive live interview ni Jeff Fernando kay Ariadna noong October 23, Biyernes, sinabi ng Colombian beauty queen na biktima lamang siya ng maling translation ng mga nagbigay ng ibang kahulugan sa kanyang mga pahayag tungkol kay Pia.
“People misunderstand all of the interviews because they are in Spanish and, you know, it’s not the same to listen to an interview in Spanish than the way we talk in Colombia.
"We have this slang, we have different sayings," paliwanag ni Ariadna.
Dagdag pa niya, "What I said mostly is that, during the pageant, I never saw Pia, I never communicated with her.
"I saw her a couple of times during the pageant, and that’s what I said. People misunderstand things."
Bagamat nakakatanggap siya ng pambabatikos, hindi raw ito pinipersonal ni Ariadna.
May mga natatanggap din daw siyang "sweet messages" mula sa Pilipinas at may mga kaibigan din siyang Pinoy na nakatira sa Amerika.
Saad niya kay Jeff, "And I’m glad that you’re asking me, because I don’t take it personally when people come up to me and bash me and say horrible things to me.
"I’ve been getting sweet messages of pure love from the Philippines, and I have Filipino friends who lived here in the United States and they are so sweet to me and very respectful.
“I hope to meet you very very soon and, like, talk about everything that happened from your point of view to everything you’ve experienced.
"Because whatever I say, and every time I have an interview, people think I hate her or I hate Steve Harvey or whatever."
Diin ni Ariadna, "I don’t hate Pia, and we were both victims of what happened.
"So, every time I think of what happened to me, I always think about her and I put myself in her shoes.
"Like, every time she has to go through during that year, I also have to go through.
"So, Pia, I hope to meet you very, very soon."
Gustung-gustong raw ni Ariadna makarating at magbakasyon sa Pilipinas dahil kahit marami umanong Pilipino ang bumabatikos sa kanya, marami rin ang mga kababayan nating kaibigan niya.
Ipinagkatiwala ni Jeff sa PEP.ph ang bahagi ng exclusive live interview niya kay Ariadna.
Hindi nahirapan si Jeff na makipag-ugnayan sa Miami-based Colombian beauty dahil sinagot agad nito ang email na ipinadala niya noong October 19, 2020.
"Wala pang kalahating araw, sumagot agad siya sa email ko at nagkasundo kaming interbyuhin ko siya sa Famous Ka," pagtukoy niya sa kanyang Wednesday night Facebook and YouTube show.
Nagbakasakali lang daw si Jeff na makuha ang panig ni Ariadna kaugnay ng "she was like a ghost" statement niya umano tungkol kay Pia.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika