Si Roxanne Allison Baeyens, 23, ng Baguio City ang nanalong Miss Philippines Earth 2020.
Pre-taped at first-ever virtual coronation ang napanood sa GMA-7 ngayong Linggo ng umaga, July 5.
Mga runners-up sina Patrixia Santos ng Daraga, Albay (Air); Gianna Margarita Llanes ng Mandaluyong City (Water); at Shane Quintana Tormes ng Atimonan, Quezon (Fire).
Si Ilyssa Mendoza ng Melbourne, Australia ang itinanghal na Miss Eco Tourism.
Sa lahat ng mga national beauty pageants, ang Miss Philippines Earth ang kauna-unahang nagdaos ng virtual coronation dahil sa coronavirus pandemic.
Kaya announcement lamang ng winners ang nangyari at walang aktuwal na pagpuputong ng korona sa mga nagwagi.
Si Paolo Bediones ang solo presenter ng Miss Philippines Earth 2020.
Dahil seasoned TV host, with flying colors na nairaos ni Paolo ang kanyang responsibilidad.
Pero inamin ni Paolo na mas marami ang mga hamon nang mag-taping siya kahapon, July 4.
"It was very challenging yesterday because everything was done online, so the reactions are all real and genuine,” sabi ni Paolo nang kumustahin ng Cabinet Files ang mga karanasan niya bilang host ng isang virtual beauty pageant.
"Then, immediately after, I taped the segments to thread all the portions together.
"So many technical challenges, but Carousel Productions really gave their all to pave the way for other pageants to make that bold step to push thru as well."
Ang Carousel ang organizer ng Miss Philippines Earth.
Base sa presentation ng Miss Philippines Earth 2020, na ipinalabas sa GMA-7, malaki ang natipid ng Carousel Productions dahil hindi na ito umupa ng malaking venue para sa coronation at nanatili lamang ang mga kandidata sa kanilang mga tahanan.
Pero higit na mabusisi ang mga paghahanda.
Ayon kay Paolo, "Tipid probably in the sense that you need less people to run, but it takes a whole lot more work to put it all together.
"Normally, in a pageant, I’ll have one pre-prod and then be on location four hours before the event.
"In this case, there were three pre-production meetings, all online, then we had technical rehearsals, and then the actual pageant was recorded.
"I taped here at my restaurant, Punta Mandala, yesterday, edited my segments, then sent the video so we could make the deadline of GMA on the same day.
"My spiels were finished in less than two hours.
"It was an extremely technical and detailed production, the editing is so impressive."
Nagbihis at pinaghandaan ni Paolo ang kanyang assignment, kahit close up at half body lang ang mga camera shot sa kanya.
"I never wear shorts. I feel it’s a disrespect to the task at hand.
"Even if it’s a Zoom meeting at home, I always dress the part,” ani Paolo.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika