Makalipas ang 15 taon, bumalik sa Pilipinas si Anjanette Abayari noong January 31, 2015, kasama ang kanyang dalawang anak na lalaki dahil dumalo sila sa isang family reunion sa Iloilo.
Nagkaroon ng mga guesting sa mga talk show sa telebisyon si Anjanette, at dito niya ipinahayag ang kagustuhang balikan ang kanyang acting career.
Nangako si Anjanette na babalik sa Pilipinas, pero hindi nangyari ang showbiz comeback na pinaplano niya noong 2015.
May mga haka-hakang posibleng may kinalaman ang kanyang karelasyon sa pagbabago ng desisyon ng former actress.
Engaged na si Anjanette mula pa noong March 2018 kay Gary Pangan, isang pastor sa California.
Ayon sa Cabinet Files source, mahal na mahal ni Pastor Gary si Anjanette, pati na ang mga anak nitong sina Aiden at Ashton, na mga bunga ng pakikipagrelasyon ng dating aktres sa magkaibang lalaki.
Masaya para kay Anjanette ang kanyang mga kaibigan dahil natagpuan niya kay Pastor Gary ang kaligayahan na hinahanap.
Diumano, malaki na ang ipinagbago ng buhay ni Anjanette mula nang makilala nito si Pastor Gary.
Active din ang dating aktres sa pagbabahagi ng mga salita ng Diyos dahil siya ang "reader" ng scriptures at Bible verses sa YouTube Channel ng kanyang fiancé.
In-demand actress si Anjanette noong dekada ’90 pero nag-iba ang kapalaran niya nang mahulihan siya ng drug paraphernalias sa Guam airport noong October 1999.
Dahil US citizen si Anjanette, idineklara siyang persona non grata ni then President Joseph Estrada.
Pero sa interview kay Anjanette ng Esquire Philippines noong March 2017, nanindigan siyang hindi kanya ang drug paraphernalias na nasamsam ng Guam airport authorities.
Ito ang bahagi ng artikulong nailathala sa Esquire:
"She maintains, as she did then, that the Bic ballpen the airport officials found in her makeup kit belonged to her sister.
"She didn't even realize what they were doing when they scraped it to find traces of shabu.
"'I was just as shocked as everybody else,' she says. 'But I've learned to accept it. For a while I was angry, not at God, but at everyone else. I didn't want to look inside and see what part I played in it.'
"About a month before the incident, AJ had been praying to find a way out of the country: ''I need to get out of here. God, get me out of here!' I felt suffocated, I had island fever. It was getting to the point where I couldn't go anywhere. So when that happened, I was like, God, I didn't mean like that!'
"She laughs about it now and considers the entire nightmare a humbling experience that she needed, but the months, even years following her detainment and exile, were very dark."