JERRY OLEA: Kakahol! Tatahol! Aalulong ang Taon ng Aso simula Pebrero 16, 2018, at aariba si Liza Soberano bilang Pinakamagandang Darna sa Balat ng Lupa!
“Yes, definitely!” sambit ni Nick Nañgit, spirit questor/psychic na isa ring classical concert pianist.
Mapag-iiwanan ba ni Liza ang ka-love team na si Enrique Gil?
“Hindi, hindi,” pag-iling ni Nick.
“Enrique kasi has another field na lalo siyang sisikat.
“On his own, OK naman si Enrique. Year of the Monkey siya, if I’m not mistaken.
“E, ang monkey kasi, this coming year na ‘to, will do very well.”
Ayon pa sa Truth Cards ni Nick, mananatiling mabangis ang career ng KathNiel ngayong 2018.
Pero kahit may pralala na mabenta ang Valentine concert nila sa Pebrero 9, malamlam ang JaDine.
“Medyo mag-i-stagnate ‘yan,” pakli ni Nick kaugnay sa tambalan nina James Reid at Nadine Lustre.
Ang AlDub, dapat na bang buwagin?
Napabuntong-hininga si Nick, “Dapat i-repackage sila, kung gusto pa nilang magsama silang dalawa.
“Positive pareho ang vibes nila. Yun lang, si Maine [Mendoza], more ang focus niya is really ang personal life niya, para mag-reconcile yung dalawa... kasi hiwalay, e!
“Iba yung public life niya, iba yung personal life niya. So, nahihirapan siya.
“Si Alden naman, professional yung kanyang career. Professional life niya will be very good this year!”
Binasahan ni Nick si Alden sa GMA New Year Countdown sa SM Mall of Asia noong Linggo, December 31.
Kuwento ni Nick, “When I read him, behind the scenes, sabi niya sa akin, ngumingiti siya, sabi niya, ‘Grabe ka! Tama! Grabe ka! Tama ang sinabi mo!’
“Binasahan ko siya online and nagulat lang siya na yung sinabi ko pala sa kanya is tama.
“Lumabas yung lovers card sa Truth Cards ko... Lumalabas dun na ang affection niya is... family ang concern niya.
“Family ang concern.
“Meron din siyang... ahh... love life. Meron din.
“Pero he’s secretive. He won’t mention that. He won’t tell that to people.
“Pero meron siya. Hindi lang yun ang focus niya.
“Hindi pa time.”
GORGY RULA: Matatanggap kaya ng Aldub Nation itong isa sa mga hula ni Nick tungkol sa love team nina Alden at Maine?
Mas bobongga raw ang career ni Alden kapag humiwalay na siya sa love team.
Mukhang maiiba na nga kasi ang focus ni Maine.
Tingin ko, mas mabuting gumawa na ang GMA-7 ng programang pagbibidahan ni Alden.
NOEL FERRER: Narinig ko nga ang balita na baka ipares si Alden kay Jasmine Curtis-Smith sa isang teleserye sa GMA-7.
Kailangan kong makilala 'yang pyschic na 'yan. Saan ba siya nanggaling at parang interesante ang kanyang mga predictions at may bahid ng katotohanan?
As for the other love teams, parang 2018 is a time for transitions and experimentation.
Parang mix and match muna sila, kaya may James Reid-Sarah Geronimo film din, di ba?
Exciting din ang Daniel Padilla-Liza Soberano if ever. Meaning, Enrique Gil-Kathryn Bernardo rin?
Taon ba ng rigodon ito? Exciting!