Nagbahagi ng ilang detalye sa kanyang Facebook account ngayong Sabado ng gabi, February 2, si Rodjun Cruz tungkol sa pagpanaw ng kanilang ina ni Rayver Cruz na si Elizabeth “Beth” Cruz, na kilala rin bilang "Melody" sa kanyang mga kaibigan.
Si Rodjun ang nakatatandang kapatid ni Rayver Cruz.
Si Omar Cruz Ilustre, ang kanilang panganay, ay hindi showbiz.
Ayon kay Rodjun, masakit man daw ang pangyayari para sa kanilang pamilya, ipinagpasa-Diyos na lang nila ang lahat.
Nanawagan din siya ng dasal para sa pinakamamahal na ina.
Ayon sa kanyang post, “It is with sadness that we announce the passing of our beloved mother Elizabeth V. Cruz on February 2, 2019.
“The wake will be held at La Funeraria Paz, Sucat, Parañaque until February 7, 2019.
“There will be a mass there tonight (February 2) at 8:00pm.
“More details to follow.
“Please pray for our mom.
“Despite our grief, we celebrate her eternal Life and Happiness with our Lord Jesus Christ.”
Mula sa PEP.ph (Philippine Entertainment Portal), ang amin pong taus-pusong pakikiramay.