Hindi natinag si Bela Padilla, 27, sa komento ng isang netizen na pinuna ang katawan ng ABS-CBN actress.
Nag-post si Bela sa Instagram noong January 18, Huwebes, kung saan naka-one-piece bathing suit siya sa beach.
Nagkomento ang isang netizen at pinuna ang pagiging sexy ng aktres.
Ayon sa netizen, kulang daw ang “booty” o puwet ng aktres.
Sinagot ito ni Bela.
Komento niya, “no, I don’t need anything more, quite happy with what I have [smile emoji]”
Nakakuha naman ng kakampi si Bela sa kanyang sagot.
Ang ibang netizen naman, binatikos ang body-shaming comment ng netizen.
Hindi ito ang unang pagkakataon na inalipusta ang katawan ni Bela.
Noong February 2018, may mga netizen na pumuna rin sa katawan ni Bela sa larawan niyang naka-swimsuit sa kanyang Instagram.
Pinagdiskitahan ng mga netizens ang puson ng aktres.
Noong March 2018 naman, may sinagot si Bela na netizen na tinanong kung banlag ang aktres.