Walang pagsidlan ng tuwa ang mga anak ni former Senator Ramon “Bong” Revilla Jr. ngayong malaya na ang kanilang ama.
“Not guilty” ang hatol ng Sandiganbayan First Division ngayong December 7, Biyernes, sa kasong plunder case ni Bong kaugnay ng pagkakasangkot niya sa pork-barrel scam.
Kaagad nag-post ng mensahe sa social media ang mga anak niya sina Bryan Revilla at Cavite Vice Governor Jolo Revilla pagkatapos ma-acquit ng kanilang ama.
Sa Instagram Story, nag-post si Bryan ng maiksing video ng ama.
Tanong ni Bryan kay Bong: “Hey Pa, so how does it feel to be a free man?”
Sagot ng Bong: “I’m so happy. Finally it’s over. Thank you, Lord. Thank you.”
Nag-post naman ng mensahe si Jolo sa Facebook.
Aniya, “Uuwi na kami ni Papa! Kumpleto na ulit ang pamilya namin sa aming bahay.
“Maraming maraming salamat sa lahat ng nagdasal para sa kanyang paglaya.
“The truth will always prevail!”
