Naging emosyunal si Vhong Navarro nang marinig ang balitang guilty ang hatol sa kasong grave coercion na isinampa niya laban kina Cedric Lee, Deniece Cornejo, at Jed Fernandez sa Metropolitan Trial Court, Taguig Branch 74.
Kaugnay ito ng insidenteng pambubugbog, paggapos, at pananakot kay Vhong ng grupo nina Cedric at Deniece sa condominium unit ng huli sa Taguig City noong January 22, 2014.
Ang PEP.ph (Philippine Entertainment Portal) ang unang naglabas ng balita tungkol sa desisyon ng korte, base sa eksklusibong panayam namin sa legal counsel ni Vhong na si Atty. Alma Mallonga ngayong Biyernes, July 27.
Pagkatapos nito, sunud-sunod ang tweets ng ABS-CBN entertainment reporter na si MJ Felipe hinggil sa reakisyon ni Vhong sa desisyon ng korte.
Sa text message ni MJ sa PEP.ph, sinabi nitong nakausap niya sa telepono si Vhong, na kasalukuyang nasa U.S. kasama ang iba pang staff and crew ng It’s Showtime para mag-show roon.
JUST IN: Cedric Lee, Deniece Cornejo at Jed Fernandez convicted for Grave Coercion case filed by Vhong Navarro at MTC Taguig Branch 74. In a phone interview with Vhong, who is in the US for an event, the Showtime host couldnt hold back his tears after hearing the decision.
— MJ Felipe (@mjfelipe) July 27, 2018
Pahayag daw ni Vhong, “Sobrang saya kasi ito yung justice na hinihintay natin, e.
"Parang bumabalik sa alaala ko yung mga pinaggagawa sa akin, pwersahan kang pinapirma sa hindi mo naman kagustuhan, tinakot ka, sinaktan ka, binantaan ang pamilya mo, tinutukan ka ng baril."
READ: Vhong Navarrro - “Sobrang saya kasi ito yung justice na hinihintay natin eh. Parang bumabalik sa ala-ala ko yung mga pinaggagawa sa akin, pwersahan kang pinapirma sa hindi mo naman kagustuhan, tinakot ka, sinaktan ka, binantaan ang pamilya mo, tinutukan ka ng baril.”
— MJ Felipe (@mjfelipe) July 27, 2018
Sa hiwalay na panayam ng PEP.ph kay Atty. Mallonga, ipinaliwanag nitong puwersahang pinapirma ng grupo ni Cedric si Vhong sa police blotter sa akusasyong attempted rape ng aktor kay Deniece.
Pasasalamat pa ni Vhong, “Nakikita ko yung justice system sa Pilipinas, sa atin, dahil talagang hindi ako pinabayaan.
"Yung mga taong nagdasal, sumuporta, patuloy na nagmahal sa akin. Yung legal team ko na matiyagang tumutok sa kasong ito for five years.”
Vhong Navarro: “Nakikita ko yung justice system sa Pilipinas, sa atin, dahil talagang hindi ako pinabayaan. Yung mga taong nagdasal, sumuporta, patuloy na nagmahal sa akin. Yung legal team ko na matiyagang tumutok sa kasong ito for five years.”
— MJ Felipe (@mjfelipe) July 27, 2018
Sabi pa ni Vhong, nagpapasalamat siya sa Diyos na nagbigay sa kanya ng lakas ng loob na isiwalat ang katotohanan upang hindi na ito gawin sa iba.
“Kung nagawa sa akin, pwede ring gawin sa iba, di ba?
“Masakit na pagbibintangan ka na nang rape ka ng tao, at dito makikita na unti unti nang lumalabas ang katotohanan.”
Vhong Navarro: “Nagpapasalamat ako sa Panginoon, binantayan niya ako at binigyan niya ako ng lakas ng loob na sabihin ang katotohanan, ginawa ko ito para hindi na ito ulitin sa kahit kanino. Kung nagawa sa akin, pwede ring gawin sa iba, diba?”
— MJ Felipe (@mjfelipe) July 27, 2018
Vhong Navarro: “Masakit na pagbibintangan ka na nang rape ka ng tao, at dito makikita na unti unti nang lumalabas ang katotohanan.”
— MJ Felipe (@mjfelipe) July 27, 2018
Hindi raw rito natatapos ang laban ng actor-TV host dahil may dalawa pa siyang pending na kasong isinampa laban sa grupo ni Cedric: serious illegal detention at perjury.