Masayang ipinagdiwang ng mixed martial arts fighter-turned-actor na si Ali Khatibi ang Father’s Day kahapon, June 17, dahil nakasama niya ang anak na si Amarah.
Si Amarah ay anak ni Ali sa asawang si Cristine Reyes.
“Date night with daddy,” lamang ang caption ni Ali sa larawan nila ng anak, kung saan kabilang sa kanilang bonding ay ang pagkain ng taho.
Nanghihinayang naman ang followers ni Ali na tila naninawalang may pinagdadaanan nga ang relasyon nila Cristine dahil hindi nila ito kasama.
May umaasa namang maayos pa ang samahan nina Ali at Cristine.
Ang iba naman ay binati lamang si Ali para sa selebrasyon ng Father's Day.
Ilang buwan na ang nakalilipas, umugong ang balitang nagkalabuan diumano ang relasyon nina Ali at Cristine.
Ayon naman sa kapati ni Cristine na si Ara Mina, hindi sumagot ang una noong tinanong niya kung may pinagdadaanan nga ba sila ni Ali.
Sa pinakahuling public appearance ni Cristine nitong May 20, umiwas siya sa tanong ng media tungkol sa kanila ni Ali.
Ang huling post ni Cristine sa kanyang Instagram na larawan nila ng asawa ay noon pang Pebrero.
Si Ali naman ay noon pang Enero.
Ikinasal sina Ali at Cristine noong January 2016.