Muling nagsampa ng reklamo sa korte ang tinaguriang Lord of Scents na si Joel Cruz laban sa Brunei-based businesswoman na si Kathelyn Dupaya.
Ito ay kaugnay ng akusasyon ni Kathelyn na expired na ang mga perfumes na na-deliver sa kanya ni Joel at ng kumpanya nitong Aficianado.
Mariing pinabulaanan ni Joel ang paratang sa kanya ni Kathelyn.
Ngayong hapon ng Biyernes, June 8, nagsampa ng PHP20-million libel suit si Joel sa Manila City Prosecutor’s Office (MCP) kasama ang kanyang abugadong si Atty. Ferdinand Topacio laban sa negosyante.
At the Manila City Prosecutor's Office with the Lord of Scents to file libel charges vs Kathy Dupaya. pic.twitter.com/mFeSFTCaqi
— Ferdinand Topacio (@FS_Topacio) June 8, 2018
Nauna nang nag-file ng reklamong estafa sa Quezon City Regional Trial Court (QC-RTC) si Joel laban kay Kathelyn dahil hindi pa rin nito nabayaran ang utang sa perfume brand owner na PHP40M.
Hindi lamang si Joel ang diumano'y nautangan ng malaking halaga ni Kathelyn. Kabilang din sa mga ito ang mga aktres na sina Sunshine Cruz, Ynez Veneracion, at Ara Mina.
Sa ngayon, wala pang pahayag ang kampo ni Dupaya sa panibagong reklamong kinakaharap niya.
Mananatiling bukas ang PEP.ph (Philippine Entertainment Portal) sa panig ni Kathelyn tungkol sa isyung ito.