"A sweet gesture."
Ganito inilarawan ng Kapuso actor-host na si Dingdong Dantes ang pakikipag-usap ni Max Collins sa misis niyang si Marian Rivera tungkol sa pagsasama at pagtatambal nila sa action-drama series na The Master Cutter.
Sa Fast Talk With Boy Abunda noong April 7, 2026, ibinahagi ni Max ang pagpapaalam niya kay Marian nang malaman nitong pagtatambalin sila ni Dingdong.
Read: The Master Cutter dominates both Netflix and free TV
Ginawa raw ito ni Max bilang pagpapakita ng respeto sa maybahay ni Dingdong, lalo na’t may kasamang love scenes ang kanilang proyekto.
Gaya ng inaasahan ni Max, mabilis naman umanong ibinigay ni Marian ang basbas para gawin nila ang mga eksenang kinakailangan upang mas mapaganda ang kanilang palabas.
Pahayag noon ni Max: "I talked to her a lot, I got her support.
"And kasi, nagtrabaho kami before, together sa My Guardian Alien, so we became friends.
"And then now, with this new show. I already talked to her even before we started."
Pagpapatuloy ng celebrity mom: "I love her, I respect her, I spoke to her about this.
"We talked about the show, and she is very supportive. Every time, like I post something, I always message her and ask, I make paalam out of respect.
"So, we have a very good relationship, and our kids all met."
Read: Marian Rivera looks back on "selosa" days
Isa ang anak ni Max sa ex-husband niyang si Pancho Magno—si Skye Anakin, 5.
Read: Max Collins confirms divorce from Pancho Magno
Habang dalawa naman ang anak nina Dingdong at Marian—sina Zia, 10, at Sixto, 7.
Read: Marian Rivera proud as Sixto takes charge of caring for new pets
Dingdong Commends Max's Gesture
Sa presscon ng The Master Cutter na inorganisa ng Netflix noong May 7, nahingan ng PEP.ph (Philippine Entertainment Portal) ng reaksiyon si Dingdong sa pagpapaalam ni Max kay Marian.
Pag-amin ng Family Feud host, kamakailan lang din niya ito nalaman matapos makabasa ng artikulo tungkol sa panayam ni Max sa Fast Talk With Boy Abunda.
Read: Marian Rivera says she and husband Dingdong Dantes are done with jealousy issues
Hindi rin daw kasi naikuwento ni Marian sa kanya ang naging pag-uusap nila ni Max.
Saad ng aktor: "I don't know din. Nakita ko lang din in one of the articles. Hindi rin naman naikuwento sa akin ni Marian yon.
"But kung ano man yon, that's very—it’s a sweet gesture.
"I know they're friends. Max is a very good friend.
"We are together with PPL Entertainment, ayon yung aming management company."
Read: Bela Padilla finally gets closure four years after her rift with Marian Rivera
Hindi rin daw nangangamba si Dingdong sa naging pag-uusap ng dalawa, lalo’t matagal nang magkakilala sina Marian at Max.
Tiwala rin siya sa pagiging propesyunal ni Max, lalo’t ilang proyekto na rin ang kanilang pinagsamahan, kabilang ang Kapuso TV series na Pahiram ng Sandali noong 2012 at ang romantic-drama film na Only We Know noong 2025.
Read: Marian Rivera on 'snubbing incident' with Andrea Torres: "Patayin na lang natin."
Lahad ni Dingdong: "Yung isa sa unang show na kasama ko siya is yung Pahiram ng Sandali and magmula nun naging magkaibigan na talaga kami, nagkasama din kami sa Only We Know.
"So, talaga yung kanyang growth as an actress, as an artist. I'm so proud of her.
"In fact, mas close pa nga sila ni Marian kaysa sa akin.
"Kaya nakakatuwa na they have that kind of friendship, and that's so sweet."
Nausisa rin ng PEP kung napag-uusapan ba nila ni Marian ang pagpili ng makaka-loveteam niya.
Mabilis na sagot ni Dingdong, "No! It's the decision of the producer and sinasabi lang sa amin ng director.
"But, yon perfect choice talaga si Max para gampanan si Elaine."
"Elaine" ang pangalan ng karakter ni Max sa The Master Cutter, habang si Dingdong naman ay "Atoy."
Read: Rhian Ramos says no snubbing incident happened between her and Marian Rivera on Genesis set