Isa nang ganap na Star Magic artist ang Kapamilya actress na si Janine Gutierrez.
Ngayong Lunes, April 13, 2026, inanunsiyo ng Star Magic sa pamamagitan ng social media ang pag-welcome nila kay Janine sa kanilang bakuran.
Ang Star Magic ay ang talent management arm ng ABS-CBN.
Ayon sa post: "Just Got…a new artist onboard [sparkles emoji]
"Welcome to the family, Janine Gutierrez! [smiling face with open hands emoji]
"#JanineGutierrez #TatakStarMagic"
View this post on Instagram
Sa comments section, nagpasalamat naman si Janine sa mainit na pagtanggap sa kanya sa Star Magic.
Aniya: "Thank you thank you for the welcome @starmagicphils!!!! [hearts emojis] I'm so grateful [heart emoji]"
Read: LTFRB summons TNVS driver over lewd remarks on Xyriel Manabat
JANINE GUTIERREZ ON STAR MAGIC
Sa exclusive interview sa kanya ng Metro.Style, na lumabas sa ABS-CBN News online, inusisa si Janine kung ano nag-udyok sa kanyang lumipat ng management.
Saad niya: "Well, of course, alam ko kung gaano kagaling ang Star Magic talaga in taking care of their artists and teaching them and guiding them to new opportunities.
"And I feel like at this stage, ang dami ko pang pangarap. And I've always felt the warmth of the Star Magic family even before ako maging Star Magic [artist].
"Especially sila Direk Lauren [Dyogi] and the managers. So, I'm so grateful to be able to be part of the family, and I look forward to starting this new chapter with them."
Ang gusto raw niyang makatrabaho ngayon ay sina Belle Mariano at Joshua Garcia.
"Well, I know Belle. I'm a fan. Ang galing niyang artista, and at the same time, she's a really nice and sweet girl.
"And nakikita ko talaga how she's such a warm star, and I would love the opportunity to work with her.
"Si Joshua naman, I know how talented he is. Lahat ng mga director speak so highly of him sa galing niya. I'm a fan.
"Basically, I'm a fan of both of them. So, sana magkaroon ng chance in the future na makatrabaho ko sila," asam niya.
Ang LVD Artist Management Corp. ng namayapang si Leo Dominguez ang namahala sa showbiz career ni Janine mula noong September 2017.
Bago ito, naunang naging contract star ng GMA Artist Center (Sparkle GMA Artist Center) pa noon si Janine.
Halos isang dekada rin siyang namalagi roon.