Naglabas ng show cause order (SCO) ang Land Transportation Franchising and Regulatory Board (LTFRB) sa TNVS (Transport Network Vehicle Service) driver ng Grab Philippines na nagkomento nang malaswa tungkol sa aktres na si Xyriel Manabat.
Sa inilabas na pahayag ng ahensiya noong Sabado, April 11, 2026, sinabi ni LTFRB chairperson Atty. Vigor D. Mendoza II na pananagutin ang TNVS driver dahil sa pambabastos nito sa kanyang pasahero.
Maituturing daw itong "sexual harassment."
Pahayag ni Mendoza: “No woman deserves to be treated this way. This is the reason behind our Bawal Bastos campaign, and this campaign against sexual harassment and discrimination in public transportation will serve as our motivation and basis in holding accountable this TNVS driver.
“And as initial action from your LTFRB, we have already suspended the operation of this TNVS pending the result of the ongoing investigation into the matter."
Sa SCO na inilabas ng LTFRB, inatasan nito ang driver na sumailalim sa mandatory drug test.
Ipinag-utos din ng ahensiya na kumpiskahin ang kanyang lisensiya at iba pang dokumentong may kinalaman sa operasyon nito bilang TNVS driver.
Nakasaad sa order: "The Land Transportation Office (LTO) Enforcement Division, the Metropolitan Manila Development Authority (MMDA), the Philippine National Police-Highway Patrol Group (PNP-HPG) and other traffic enforcement agencies are hereby ordered to apprehend and impound the unit, if found operating as public utility vehicle."
Inutusan din ng LTFRB ang driver na magpasa ng written explanation sa loob ng sampung (10) araw matapos matanggap ang SCO at ipaliwanag kung bakit hindi siya dapat tanggalan ng prangkisang makapagmaneho pa ulit.
Itinakda ang hearing sa April 28 upang makapagpaliwanag ang TNVS driver sa bisa ng tinatawag sa batas na due process.
Dagdag pa sa kautusan: "Failure on the part of the Respondent TNVS Operator/ Driver to appear before the Hearing Officer and to file an Answer, shall be considered as a waiver on his part to be heard and shall cause the imposition of a penalty in the amount P5,000."
Read: Ian de Leon no personal motive in managing Nora Aunor's legacy
THE INCIDENT BETWEEN XYRIEL MANABAT AND tnvs DRIVER
Mainit na pinag-uusapan sa social media ang post ng TNVS driver sa Facebook noong April 7, 2026, kung saan ibinahagi niya ang selfie photo nila ni Xyriel bago bumaba ng sasakyan ang aktres.
Caption ng driver sa selfie photo nila, kung saan gamit niya ang handlename na Boss Toyo Mansi (published as is): "nagulat ako nagpapicture sa akin.
"xyrill manabat: kuya picture tayo bago ako bumaba.
"ako: sure maam wag mo lang ibenta picture ko.
"ang LAKI ng bata na yan."
Sa comments section ay nakipagpalitan pa ng mga bastos na salita ang driver sa ilang nagkomento sa kanyang post.
Kumalat ang post sa X (dating Twitter), kung saan binatikos ng maraming netizens ang bastos na driver.
Kinumpirma naman ni Xyriel sa TV5 entertainment reporter na si MJ Marfori noong April 8, na siya nga ang kasama ng driver sa selfie.
Papunta raw siya ng taping noong araw na iyon.
Sinabi ng aktres na hindi niya palalampasin ang pambabastos sa kanya ng driver.
Bahagi ng pahayag ni Xyriel: "I hope the platform or the app should do something about this because it's not petty.
"It's not something na any woman or anyone, not just women, should experience on a daily basis.
"Also, sobrang nagulat ako kasi papunta lang ako ng trabaho niyan.
"And imagine kung gaano kahirap yung buhay ng isang babae, nagtrabaho ka lang, may nagpa-picture lang sa yo.
"You're just being kind. You're just being a human, a decent human being. And you'll get this in return.
"And it's not, again, it's never about the piece of clothing. Nakapantrabaho ako.
"Maayos ko siyang kinausap. As far as I could remember, ang bait-bait ko sa kanya.
"Nag-tip pa nga ata ako kasi nahiya ako pag may pinaghihintay akong tao."
Pagkastigo pa ni Xyriel sa driver: "So, wow. I hope na your family, your mom, your sister, or worse, if you have a daughter, your wife, di ba, parang, sana makita nila ito.
"Sana makita nila na ganyang klase kang tao."
Read: Xyriel Manabat to take action vs TNVS driver over lewd comments
Kaagad namang pinatawan ng suspension order ng Grab Philippines ang TNVS driver.
Sa pahayag ng Grab na inilabas noong gabi ng April 8, sinabi ng kompanya na humingi na rin sila ng dispensa sa aktres.
Ipinangako nila kay Xyriel na gagawin nila ang nararapat upang mapanagot ang driver sa hindi magandang asal nito.
Nakasaad sa official statement: "Grab Philippines extends its sincere apology to Ms. Xyriel Manabat for the unacceptable experience she had with a driver.
"What was reported is deeply concerning and does not reflect the standards we uphold on the platform.
"We are already in direct contact with Ms. Manabat, have offered our full support and ensured her concerns were heard."
Naka-preventive suspension na raw ang TNVS driver dahil sa "grave violation and a bannable offense" alinsunod sa kanilang "driver guidelines."
Saad nila: "We are also prepared to cooperate fully with relevant authorities. Upon our initial investigation, the driver-partner involved has been placed under preventive suspension.
"Grab affirms that such behavior constitutes a grave violation and a bannable offense under our Driver Guidelines.
"While all driver-partners on the Grab platform undergo mandatory safe spaces and anti-harassment training through Grab Academy and accredited partner organizations, we recognize that this incident demands more than a restatement of existing protocols.
"We are now undertaking a comprehensive review of our driver behavior protocols, including those governing post-trip conduct, and will introduce further safeguards to address any gaps this incident may have exposed.
"Every person who uses Grab has the right to feel safe. We will continue to hold ourselves and our driver-partners to that standard, without exception."
Read: Grab PH suspends TNVS driver over lewd post about Xyriel Manabat
TNVS DRIVER ALLEGEDLY REACTIVATES ACCOUNT AND ISSUES APOLOGY
Kumalat naman sa Facebook, ayon sa post ng ilang netizens, na nag-reactivate daw ng kanyang account si Boss Toyo Mansi.
Dito ay naglabas siya ng kanyang public apology diumano kay Xyriel.
Nakasaad sa post: "MY PUBLIC APOLOGY
"Ako po si Boss Toyo Mansi, na sa kaunaunahang pagkakataon ay napagtanto ang aking pagkakamali at nais kong humingi ng taos-pusong paumanhin kay Xyriel Manabat at sa buong komunidad ng mga Grab Philippines.
"Sa mga nagdaang araw, may mga naging pahayag at posts ako na nagdulot ng maling interpretasyon, hindi pagkakaunawaan, at posibleng pananakit ng damdamin lalo na kay Xyriel. Aminado ako na naging pabigla-bigla ang aking mga salita at hindi ko lubos na naisip ang epekto ng aking post sa kanya at sa iba.
"Wala po akong intensyon na makasakit"
May mas mahaba namang paliwanag sa Boss Toyo Mansi account na lumabas kahapon, April 12, 2026.
Pero hindi siguradong kanya talaga ang account na ito.
Nakasaad dito: "ISANG TAOS PUSONG PAGHINGI NG TAWAD
"Hindi ko inaasahan na darating ako sa puntong kailangan kong harapin ang sarili kong pagkakamali sa harap ng maraming tao. Ako po si Boss Toyo Mansi na ngayon, hindi bilang isang viral personality, kundi bilang isang taong nagkamali at nagsisisi.
"Sa totoo lang, nagsimula ang lahat sa isang simpleng biro, isang pahayag na akala ko ay walang malisya. Pero sa likod ng mga salitang iyon, may mga taong nasaktan lalo na si Xyriel Manabat. Hindi ko agad nakita ang bigat ng epekto ng aking ginawa. Naging kampante ako. Naging padalos-dalos.
"Habang lumilipas ang mga araw at nakikita ko ang reaksyon ng mga tao, doon ko unti-unting naramdaman ang bigat ng aking pagkukulang. Hindi lang ito tungkol sa akin. May taong naapektuhan. May reputasyong nadamay. May mga taong napaisip kung tama pa ba ang aking mga ginagawa."
Pagpapatuloy pa niya:"Sa bawat komentong nababasa ko, sa bawat mensaheng natatanggap ko, hindi galit ang nangingibabaw sa akin, kundi hiya at pagsisisi. Dahil alam ko sa sarili ko… nagkulang ako. Nagkulang ako sa pag-iingat. Nagkulang ako sa respeto.
"Kay Xyriel Manabat, mula sa kaibuturan ng aking puso, humihingi ako ng tawad. Hindi mo deserve ang ganitong sitwasyon. Hindi ko man maibalik ang oras, sisikapin kong itama ang mali at panindigan ang responsibilidad ko.
"Sa mga Grab drivers at sa buong ride-hailing community, humihingi rin ako ng paumanhin. Alam ko ang hirap ng ating trabaho, ang init, pagod, at sakripisyo araw-araw. Hindi ko dapat binigyan ng kahit anong negatibong kulay ang ating hanapbuhay.
"Ngayon, malinaw na sa akin ang bawat salita ay may bigat. At bilang isang tao na may boses sa social media, responsibilidad kong gamitin ito nang tama.
"Hindi ko hinihiling na agad ninyo akong patawarin. Ang hinihiling ko lang ay pagkakataon na maitama ang aking pagkakamali. Magsisilbi itong aral sa akin isang paalala na ang respeto at pag-iingat ay hindi dapat kinakalimutan."
Pagtatapos niya: "Ako ay nagsisisi. Totoo. At handa akong patunayan sa gawa, hindi lang sa salita, na natuto na ako.
"— Boss Toyo Mansi"