4SISTERS na ang bagong stage name ng 4th Impact, ang Filipino singing group na naging world-famous dahil sa pagsali nila sa British reality television music competition na The X Factor (U.K.) noong 2015.
Inanunsiyo ng magkakapatid na sina Almira, Irene, Mylene, at Celina ang kanilang rebranding sa pamamagitan ng isang video na in-upload sa YouTube at Facebook noong Biyernes, April 10, 2026.
Ito na ang pang-anim na pangalan ng kanilang grupo.
Nauna silang nakilala bilang The Cercado Sisters, The Gollayan Sisters, MICA, at 4th Power.
Read:
Dr. Manny Calayan recalls "illicit affair" that ended his marriage
HOW MUCH? Coachella experience for Filipinos
Ang pagpapalit muli ng pangalan ay bunsod ng pagpasok nila sa “new era.”
Inamin nilang nahihirapan sila kanilang karera ngayong taon.
“At the beginning of the year, we found ourselves at our rock bottom,” saad ni Irene.
Dahil ito sa pagkamatay ng kanilang ama na si Papa Domeng noong January 18, 2026.
Pagpapatuloy ni Irene: “Simula noong nawala siya, parang nawalan na kami ng pag-asa.
"And minsan, natatanong namin yung mga sarili namin kung tama pa ba itong ginagawa namin. Kung magpapatuloy pa ba kami?”
Pakiramdam naman ni Celina, tila nabigo nila ang kanilang mga tagahanga.
“Somewhere along the way, we felt like we fell short. Like we failed to meet expectations and maybe even let you all down,” saad niya.
Matatandaang pinukol ng publiko ang magkakapatid noong March 2024 dahil sa paglulunsad nila ng donation drive sa GoFundMe page para makakalap ng $10,000 o katumbas ng PHP560,275, na gagamitin sa pagpapatayo sana ng "dream land" para sa kanilang 200 dogs.
Bago nito, noong January 2024, nag-launch sila ng bagong album at music videos.
Read:
4th Impact takes down GoFundme page for 200 dogs after backlash
4th Impact's next chapter unfolds; ready to conquer global stage again
4SISTERS: BIGGEST BLESSING
Sa kabila ng nararamdamang lungkot, nais pa ring pasalamatan ni Irene ang taong nagpaalala sa kanilang “biggest blessing”: ang pagiging malapit nilang magkakapatid.
“Alam mo yun, yung we have one passion, one dream, so thank you po sa taong yun,” pahayag ni Irene habang naluluha.
Dagdag ni Almira: “Behind the names, sa likod ng magagarang mga outfits or costumes sa stage. Behind the camera, at the end of the day, we are simply four girls na magkakapatid.”
Sumang-ayon dito si Mylene: “Sisters who sacrificed so much of our personal lives, even our love life, para lang i-reach yung big dream namin.
"Nagpapasaya kami ng mga tao and to create beautiful dreams together.”
Bilangg 4SISTERS, nangangako ang magkakapatid na maging mas bukas sa publiko.
“We choose to live, to open our world to you. Not just the highlights, but the struggles, the victories, and the truth of who we are as sisters.
"We choose to breathe, to stop pretending that everything is okay when it’s not, and to embrace every part of our journey,” paliwanag ni Almira.
4SISTERS’ music journey in brief
Apat na magkakapatid na taga-Isabela ang bumubuo sa 4SISTERS.
Una silang nakilala bilang The Cercado Sisters noong 2006, nang sumali sila at manalo ng 16 gold medals sa World Championships of Performing Arts.
Matapos nito ay nagkaroon sila ng ilang projects sa showbiz, tulad ng pagiging performer sa It’s Showtime at Sarah G Live.
Nagkaroon din sila ng album under Viva Records.
Taong 2014, ginawa nilang MICA ang pangalan ng grupo noong sumali sa Superstar K, isang singing competition sa South Korea.
Hindi sila piinalad manalo, pero nag-viral ang ilan sa kanilang performances.
Noong 2015, nakatuntong sila sa United Kingdom para sumali sa The X Factor.
Dito nabago ang pangalan nila into 4th Power, hanggang maging 4th Impact, para iwasan ang ilang copyright issues.
Nagtapos ang laban nila sa The X Factor sa panlimang puwesto.
Gayunpaman, nagamit pa rin nila ang natamong kasikatan upang magkaroon ng maraming singing engagements sa United Kingdom, Europe, at iba’t-ibang bansa.